Jelide AN-28 ushaǵynyń qulaǵan sáti túsirilgen delingen vıdeo paıda boldy, - dep Qamshy.kz aqparat agenttigi Tengrinews.kz saıtyna silteme bere otyryp jazady.

Bul kadrlar júk kólikteri avtoturaǵynda ornatylǵan beınebaqylaý kamerasyna túsip qalǵan. Vıdeodaǵy merzim qaıǵyly oqıǵa bolǵan kúngi ýaqytpen sáıkes keledi - 3 qazan, 18.47. Kún qaraýytqan sát, kóshe shamdary jaǵylǵan. Jańbyr jaýyp turǵanyn da ańǵarýǵa bolady.   46-shy mınýtta bastapqyda qulap, keıin órtengenin baıqaýǵa bolady. 

Osyǵan deıin áýe apatynan qazaqstandyq belgili dáriger-professorlardyń qaza tapqany habarlanǵan bolatyn. Densaýlyq saqtaý mınıstrliginiń málimetinshe, 3 qazanda keshki ýaqytta Almatydan Shymkentke dárigerler brıgadasy aýyr jaǵdaıda jatqan júkti áıelge kómektesý úshin attanǵan. Eske salaıyq, 3 qazanda East Wing áýekompanıasynyń AN-28 ushaǵy ushyp shyqqannan keıin 12 mınýt ótkende radardan joǵalyp ketken edi. Keıin ushaq Almaty túbinde órtenip jatqan jerinen tabylǵan. Bortta bolǵan bes adam qaza tapqan.