Nursultan Nazarbaev «Nur Aqtóbe» alqabynda nesıege beriletin ári jyldam salynatyn bir qabatty jáne eki qabatty turǵyn-úı qurylysynyń jaı-kúıimen tanysty dep habarlaıdy Qamshy.kz aqparat agenttigi Aqordaǵa silteme jasaı otyryp.

Qazaqstan Prezıdenti elimizdiń turǵyndary úshin «Nurly jer» baǵdarlamasyn iske asyrýdyń mańyzdy ekenin erekshe atap ótti.

– Halyqtyń ál-aýqatyn arttyrýda bul baǵdarlamanyń mańyzy zor. Bizdiń basty maqsatymyz – azamattardyń jaıly turmysy úshin qajetti ınfraqurylym qalyptastyryp, olardy jumyspen qamtamasyz etý, – dedi Nursultan Nazarbaev. 

Oblys ákimi Berdibek Saparbaev Memleket basshysyna «Nurly jol» jáne «Nurly jer» memlekettik baǵdarlamalarynyń iske asyrylý barysy jóninde baıandady. «Nurly jer» baǵdarlamasy arqyly bıyl oblystaǵy 1000-nan astam otbasyn turǵyn-úımen qamtamasyz etý josparlanyp otyr.

Sońynda Elbasy atalǵan jobany iske asyrýǵa atsalysyp jatqan qurylys kompanıalarynyń ókilderimen áńgimelesti.