Qytaıdyń ońtústik aýmaǵyna meteorıt qulady, dep habarlaıdy Qamshy.kz aqparat agenttigi QazAqparatqa silteme jasaı otyryp.
Qytaıdyń ońtústigindegi Iýnnan provınsıasyna túngi ýaqytta shaǵyn kólemdegi ǵarysh denesi qulap, túndi jaryqtandyryp jibergen.
NASA-nyń aıtýynsha, meteorıt jergilikti ýaqytpen 4 qazanda Iýnnan provınsıasy Shangrı-La aýdanynyń batys soltústiginen 40 kılometr jerge qulaǵan. Asteroıd 14.6 km/sekýnd jyldamdyqpen atmosferaǵa enip, jerge 37 kılometr qalǵanda 540 tonna TNT qýattylyqta jarylys jasaǵan.
Qytaılyq BAQ-tardyń aıtýynsha, oqıǵadan jergilikti turǵyndar zardap shekpegen.
