Qyrǵyz ekonomısi Iskender Sharsheev  Qazaqstan men Qyrǵyzstan arasyndaǵy keleńsizdikter men keshe ǵana bolǵan Qyrǵyzstandaǵy prezıdent saılaýyna qatysty aıta otyryp, osyndaı pikir bildirdi, dep habarlaıdy Qamshy.kz aqparat agenttigi Yenicag.ru saıtyna silteme jasap.

«Qyrǵyzstandaǵy prezıdent saılaýy oıdaǵydaı óte joǵary deńgeıde bolyp ótti. Táýelsiz baqylaýshylar keıbir saılaý bólimshelerinen tek 1% ǵana zań buzýshylyq áreketterdi baıqaǵan. Saılaýdyń taza ótkendigine esh kúmán joq. Saılaý elimizdiń Konstıtýsıasyna sáıkes bılikti beıbit, ashyq jáne ádil túrde bergendigine úmittendiredi. Kelesi mańyzdy másele – turaqty jáne oń ekonomıkalyq ósimdi qurý», - deıdi sarapshy.

Sonymen qatar, Sharsheev Qyrǵyz Respýblıkasynyń Prezıdenti – zańnyń ádil qoldanylýyna, áleýmettik damý máselesine jáne ishki saıasatqa jaýap beretin dıplomatıalyq tulǵa ekendigin atap ótti.

«Elimizdiń ekonomıka máselesine Premer-mınıstr jaýap beredi. Qazirgi Úkimettiń baǵdarlamasy elimizdiń ekonomıkasyna edáýir áserin tıgizetin kezeńdik reformalarǵa baǵyttalǵan. Mysaly, «Ashyq aspan» baǵdarlamasy, elektrondy úkimet jobasy – taza qoǵam. Eger bul baǵdarlamalardyń barlyǵy júzege asyrylatyn bolsa, bizdiń elimizde ekonomıkalyq ósý qarqyndy túrde bolady dep senimmen aıta alamyn», - deıdi ol.

Jańa Prezıdent Qazaqstanmen qarym-qatynasty damytý máselesine qatysty «Eger Qazaqstan shekarany qorshaýdy toqtatpasa, Qyrǵyzstan EAEO quramynan shyǵady», - dep málimdedi.

Sarapshynyń pikirinshe, eki el bir-birinen resmı túrde keshirim surap, eki el arasyndaǵy qarym-qatynas jaqsarady degen úmit bar.