Zańger Aıgúl Orynbek Qaırat Nurtastyń «Arman. Kogda angely spát» fılmin urlanǵan dedi dep habarlaıdy  Qamshy.kz aqparat agenttigi.

Bul týraly Aıgúl Orynbek Facebook paraqshasynda jazǵan bolatyn.

«Voroshılovskıı strelok» nemese urlanǵan ıdeıa «Arman» fılmi». Otandyq ónimdi qoldaý úshin kınoǵa bardyq. Qarjysy kóp Qaırat Nurtasqa myqty kıno túsirý ne turady dep oılaǵan edim ? Biraq ókinishke oraı taǵy da sol kóshirme! Eń soraqysy kıno qatygezdikke tunyp tur. Onsyzda telearnalarymyzda ánshiler qaptap, zorlyq qorlyqty kúnde kórsetip jatqany azdaı, endi kıno túsirip nasıhattaıyn dedi me? Araq sharap iship qyzdy urlap zorlaý, nasha shegý sıaqty dúnıeni túsirip jastarǵa ne tárbıe bermekshi boldy eken? Fılmniń maǵynasyn túsine almadym!

Bireýdiń ıdeıasyn urlaǵan soń fılm maǵynasyz bolǵan. Qaı mektep sabaq ústinde «Astana» arnasyn qosyp qoıyp jańalyqtar kóretin maǵan kórsetińdershi. Zańdy túrde shara qoldanaıyq . Myltyqpen túngi klýb nemese meıramhanaǵa kirip bara jatqanda ohranıkter qalaısha jiberip qoıdy? Baıdyń baldary otyratyn qymbat restorandy bul fılmde eshkim kúzetpeı qoıǵan ba? Jigitterdi atamyn dep stol janyna kelip, myltyqty kezengende nege qalǵan qonaqtar jáıbaraqat bılep júr? Jaza bersem kóp! "Osy bizdiń qazaqqa eshteńe jaqpaıdy»- dep renjýi múmkin Qaırattyń anasy. Biraq kıno túsirer aldynda syn bolatynyn bildi ol kisi. Gúlzıra hanym siz anasyz onsyzda zorlyq pen qorlyǵy kóbeıgen zamanda, sizdiń qolyńyzdan keledi jastarǵa meırimdilik nasıhattaıtyn, mán- maǵynasy bar kıno túsirý. Qoldaryńyzda Juldyz sıaqty myqty aktrısa qyz turǵanda sizder úshin bul qıyn emes dep oılaımyn. Al myna fılmderińizge eki degen baǵa berem!»- dedi zańger Aıgúl Orynbek.