18 qazanǵa qaraǵan túni Almatyda iri órt boldy. Órt «QaztransGaz» ǵımaratyn basyp, ózge ǵımarattarǵa tarady, dep jazady Qamshy.kz aqparat agenttigi.

Kýágerlerdiń aıtýynsha, órt qoımalardan bastalǵan, keıin munaı kompanıasynyń ǵımaratyna kóshti.

Departamenttiń resmı ókili Sandýǵash Baımuhambetovanyń habarlaýynsha, Jetisý aýdany, Rysqulov kóshesindegi qoımada órttiń shyǵýy týraly habar saǵat 03:00-de kelgen. Al órt sóndirýshiler oqıǵa ornyna úsh mınýttan soń, saǵat 03:03-te jetken.

«Órt sóndirýshiler kelgen sátte jaǵdaı mynadaı boldy: 2 qabatty keńse ǵımaratynyń tóbesi janyp turdy. Órttiń ózge ǵımarattardy jaýlaý qaýpi bar edi. Órt ýchaskesinde shtab quryldy, órtpen kúresý úshin 4 jaýyngerlik alań quryldy», - dedi Baımuhambetova.

Órt sóndirý barysynda Almaty qalasy órt sóndirý qyzmetiniń 100 qyzmetkeri men 34 tehnıkalyq birligi tartyldy.

Órt ǵımarattyń kóp bóligin basyp qalǵan.