Almaty qalasyn kógaldandyrýdyń tujyrymdamasyna usynystardy qabyldaý 31 qazanǵa deıin uzartyldy, dep habarlaıdy Qamshy.kz aqparat agenttigi qala ákimdiginiń baspasóz qyzmetine silteme jasaı otyryp.

Almaty qalasyn kógaldandyrý tujyrymdamasyn ázirleý jónindegi jumys toby Almaty qalasyn kógaldandyrýdyń tujyrymdamasyna  usynystardy qabyldaý  31 qazanǵa deıin uzartylǵanyn habarlaıdy.

Buǵan deıin usynystar qabyldaý 2017 jylǵy 15 qazanǵa deıin qabyldanatyny eskertilgen.

Almaty qalasy Tabıǵı resýrstar jáne tabıǵatty paıdalanýdy retteý basqarmasy KMM tapsyrmasy boıynsha Almaty qalasyn kógaldandyrýdyń tujyrymdamasy ázirlenip jatyr. Tujyrymdamany ázirleý úshin orman sharýashylyǵy ǵalymdary, sáýletshiler, bıologtar, ekonomıser, gıdrologtar jáne qoǵamdyq uıym ókilderinen jumys toby quryldy.

Tujyrymdama qalanyń klımat ereksheligin, topyraǵynyń quramy, jerasty sýynyń jaqyn ornalasýy deńgeıin, janýarlar dúnıesiniń bıologıalyq alýantúrliligine taldaý jasaýǵa negizdelgen.

Qalalyq ákimdiktiń habarlaýynsha, tujyrymdama egiletin aǵash-buta, ósimdik materıaldaryn tańdaý, daıyndaý jáne ony kútip baptaý ádistemesinen, saıabaqtar, aýla ishindegi aýmaqtar, sanıtarlyq qorǵanys aımaǵyna arnalǵan biryńǵaı qalalyq kógaldandyrý júıesinen quralyp, qala aýmaǵyn abattandyrý jáne kógaldandyrý júıesin damytý jónindegi Almaty qalasynyń baǵdarlamasyn ázirleýge, Almaty qalasynyń aýmaǵynda óziniń qyzmetin júzege asyryp júrgen kásiporyndar men uıymdardyń  qyzmetine negizdeme bolady.

Tujyrymdama ázirleýdegi taǵy bir maqsat - burynnan bar jasyl jelekterdiń kúıin jaqsartý jáne jalpy paıdalanýdaǵy jasyl jelekterdiń  bir adamǵa shaqqandaǵy  kólemin 13 sharshy metrge deıin arttyrý.Almaty qalasynyń turǵyndary atalǵan Tujyrymdamaǵa qatysty usynystaryn a@conga.kz  adresine jibere alady.

Sondaı-aq, www.conga.kz saıtynda qosymsha aqparatpen tanysýǵa bolady.