2017 jyldyń 18 qazanynda Elbasy Nursultan Ábishuly Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyn jáne «Bolashaqqa baǵdar:rýhanı jańǵyrý» atty maqalasyn júzege asyrý aıasynda Almaty qalasynyń Medeý aýdanynda «LITTLE STEP» shaǵyn ortalyǵynyń ashylýy ótti, dep habarlaıdy Qamshy.kz aqparat agenttiginiń tilshisi.  

Ortalyqtyń ashylý saltanatyna Almaty qalasy Medeý aýdanynyń ákimi E.J.Jylqybaev, Medeý aýdanynyń bilim bóliminiń bastyǵy A.A.Saparova, bilim ardagerleri, zıaly qaýym ókilderi jáne turǵyndar qatysty.

Ortalyq dırektory Ysqaqova Saıa Saıatqyzy ortalyqtyń negizgi erekshelikterine toqtalyp ótti:

 «Qazaqstan Prezıdenti Nursultan Ábishuly Nazarbaevtyń ózi atap ótken: «Bilim berý júıesi úsh tilde júezeg asyrylýy tıis» dep. Soǵan oraı bizdiń ortalyq úsh tildi bilim berý júıesine negizdelgen. Olar: qazaq tili, orys tili, aǵylshyn tili. «LITTLE STEP» balalardy damytý ortalyǵynyń ereksheligi de osynda. Sebebi qazirgi zamanda kez kelgen bala úsh tildi jetik meńgerýi tıis. Jáne bolashaqta mamandyq tańdaýda da kómegimiz tıedi dep oılaımyn», - dedi Saıa Saıatqyzy.

Shaǵyn ortalyqtyń oqý baǵdarlamasynda balalar kez kelgen pánde qosymsha bilim ala alady. Sonymen qosa, balalardyń oılaý jáne logıkalyq qabiletterin damytý maqsatynda toǵyzqumalaq jáne shahmat oıyndary da júrigiziledi. 2 jastan bastalǵan balalar úshin mı jáne til damytý pánderi ótedi. Sondaı-aq, oqý baǵdarlamasy «Almaty kitap» baspasyna negizdelgen.

 Almaty qalasy Medeý aýdanynyń ákimi E. J. Jylqybaevtyń aıtýynsha, aýdanda 3-ten 6 jasqa deıingi balalar úshin 2 082 oryn jetispeýshiligi baıqalady.

«Osy syndy jetispeýshilikterdi eskerip, byltyrǵy jyldan bastap balabaqshalardy ashýdy qolǵa aldyq. Nátıjesinde 21 jekemenshik balabaqsha ashtyq. Investısıa kólemi 2,4 mlrd. teńgeni qurady. Balabaqshalardy salý úshin bos turǵan turǵyn úıler men kotejderdi paıdalanyp keldik, kásipkerler de qoldaý tanytyp, ınvestısıa salady.

1 jarym jylda 29 balabaqsha ashtyq, nátıjesinde balabaqshaǵa kezekte turǵan balalardyń sany 25%-ǵa qysqardy», - dedi aýdan ákimi.

Sondaı-aq, bilim berý sapasy men tamaqtaný rejımine deıin jiti baǵalanatynyn tilge tıek etti. Ári úsh tildi bilim berý júıeisne negizdelgenin aıtty.

«Balabaqshada 5 ýaqyt tamaq beriledi. Keıbir balabaqshalarda balalardy ákelip, úılerine jetkizetin avtobýstar uıymdastyrylǵan. Jáne bilim berý sapasy, durys tamaqtaný, sondaı-aq qaýipsizdik jaǵy da jiti baqylanady», - dedi Jylqybaev.

Búginde ınvestorlardyń arqasynda mektepke deıingi uıymdarda aǵymdaǵy jyldyń aýdandaǵy oryn tapshylyǵyn azaıtý maqsatynda 291 orynǵa 7 mektepke deıingi mekemeler ashyldy. 469 oryn tapshylyǵyn azaıtý maqsatynda 12 jańa jeke mektepke deıingi mekemelerdi ashý josparlanyp otyr.

 Aǵymdaǵy jyly 351 orynǵa arnalǵan 8 jekemenshik balabaqsha jáne 105 orynǵa arnalǵan 6 shaǵyn ortalyq ashyldy. 150 jańa jumys orny quryldy. Inyestısıa kólemi 177 mln. teńgeni qurady.

2017 jyldyń aıaǵyna deıin ınvestorlar esebinen 6 mektepke deıingi oqý ortalyǵyn ashý josparlanbaq.

Aıta keteıik, «LITTLE STEP» ortalyǵy 80 orynǵa arnalǵan jańa shaǵyn ortalyq. Investısıa somasy 4 mln. teńgeni qurady. Ortalyqta 2 jastan 14 jasqa deıingi balalar qosymsha bilim alady.

Almaty qalasy Medeý aýdanynyń ákimi E. Jylqybaev bilim berý ortalyǵynyń ishin aralap, sabaq júrgizilý barysyn baqylap shyqty. Aıtýynsha, ákimdik tarapynan baqylaý aıyna keminde bir ret júrip turady.