Atambaev amerıkalyq saıasattanýshy Maıkl Makfolǵa soqtyqty dep habarlaıdy Qamshy.kz aqparat agenttigi sputnik.kg-ge silteme jasaı otyryp.

AQSH-tyń eks-prezıdenti Barak Obamanyń kómekshisi Makfol baspasózde «Qyrǵyzstanda ótken saılaýda qazirgi prezıdenttiń úzeńgiles serigi jeńiske jetti», degen málimdeme jasaǵan bolatyn.

Sodan keıin 16-qazanda Bishkekte saılaýǵa kelgen halyqaralyq baqylaýshylardyń aldynda sóz sóılegen Atambaev Makfoldyń aıtqan sózderin syn tezine saldy.

«Amerıka Qurama Shtatynyń ózinde ádilettilik pen demokratıa joq. Álbette, eger amerıkandyq ustanymdaǵy úmitker jeńiske jetkende, olar bulbulsha saıraýshy edi» - dedi Atambaev.

Sondaı-aq Atambaev eger AQSH-ta bılikke Hılları Klınton kelgende, muhıttiń arǵy betindegiler ózderindegi «saılaýdyń adal jáne ádiletti bolǵanyn» jyr ǵyp aıtýshy edi degen boljam aıtty. Budan bólek, áli bılikten ketpegen  prezıdent óziniń dıplomat emes ekendigin alǵa tartyp, árqashan shyndyqty betke aıtýdy ádetke aınaldyrǵanyn atap ótti.