Belgili ánshi Tóreǵalı Tóreáli Rixos Almaty qonaqúıinde úılený toıyn dúrkiretip ótkizgen bolatyn. Tanymal ánshiniń jubaıy týraly ne bilesiz? Bul saýaldyń jaýabyn Qamshy.kz aqparat agenttigi kaz.tengrinews.kz caıtyna silteme jasap habarlaıdy.

Ártistiń shańyraq qurǵanyna 3 jyl ótse de, jubaıynyń kim ekeni búginge deıin jasyryn bolyp keldi. Tóreǵalı Tóreáli suhbattarynyń birinde bul jaıynda bylaı dep pikir bildirgen edi: "Sózimde turdym deýge bolady. Óıtkeni, men úılený toıyn jasaǵan kezde muqym qazaqqa jarıa qylyp, aıtamyn dep ýáde bergen edim. Sol ýádede turý kerek, jigittiń eki sóılegeni ólgeni. Oǵan bári tańǵalyp júr. Kelinshegimniń ózi sóıtip tańǵalyp júr qazir".

Ánshiniń áıeliniń esimi Tolqyn Turarbekqyzy. Jup qazirgi ýaqytta eki bala tárbıelep otyr. Ánshiniń tanystarynyń sózine sensek, Tolqynnyń jasy 25-te. Jáne ol  Almaty oblysynda dúnıege kelgen. Ál-Farabı atyndaǵy Qazaq ulttyq ýnıversıtetiniń Shyǵystaný fakúltetiniń bakalavr men magıstratýrasyn támamdaǵan. Tóreǵalı Tóreáli buǵan deıingi suhbattarynyń birinde áıeline jumys istetpeıtinin aıtqan. "Qoǵamǵa qyz balalardyń jumys istegeni kerek shyǵar. Biraq, áıel adamnyń ómirdegi eń basty maqsaty men mindeti - úıde otyryp nan jabý, bala tabý. Olarǵa odan aýyr júk júktemeý kerek", - degen edi. Eki jasqa baqytty ǵumyr tileımiz!