Búgin Turan Ýnıversıtetinde Almaty qalasynyń Qoǵamdyq keńesi ótti dep habarlaıdy Qamshy.kz aqparat agenttigi.
Almaty qalasynyń Qoǵamdyq keńesinde mekteptegi qaýipsizdik máselesi qozǵalyp, oqýshylar men stýdenti ajaldan arashalap qalatyn qurylǵyny tanystyrdy.
Almaty qalasynyń Qoǵamdyq keńesiniń memlekettik jeke áriptestik jáne turǵyn úı komýnaldyq qyzmet, ınovasıa, ınvestısıa, boıynsha komısıanyń tóreǵasy, moderator Asylbekov Asqat Zeınollauly Qoǵamdyq keńesti ashyp berdi.
"Aq júrek" Qoǵamdyq qorynyń tóraǵasy Masqýtov Rýslan Baıanuly Qoǵamdyq keńeste birinshi kómekti qalaı kórsetý kerektigi týraly aıtyp, qazirgi kezde kerek defıbrıllátor qurylǵysy týraly túsindirdi.
«Dúnıejúzilik densaýlyq saqtaý uıymynyń málimetine súıensek, apta saıyn 1 mln adamǵa shaqqanda orta eseppen 30 adamnyń júregi aıaqasty toqtap qalady. Eger Qazaqstanda 17 mln turǵyn bar dep eseptesek, onda apta saıyn elimizde 500 adamnyń júregi kútpegen jerden toqtap, qaıǵyly jaǵdaıǵa ushyrap jatady. Al jyl saıyn, elimizde 26 myń adam júrek talmasy boıynsha medısınalyq kómekke muqtaj. Osy 26 myń oqıǵanyń 80 paıyzynda adamdar medısınalyq ǵımarattan tys jerde, ıaǵnı jumysta, sportpen shuǵyldanyp jatqanynda, úıde nemese kez kelgen jerde qaıǵyly jaǵdaıǵa dýshar bolady. Bul medısınalyq emes, áleýmettik problemaǵa aınaldy», - degen Rýslan Masqýtov Qazaqstanda mektep oqýshylarynyń da júrek talmasyna shaldyǵyp jatatynyn aıtty.
«Byltyrǵy oqý jylynda Astana qalasyndaǵy 84 mektep boıynsha 2 oqıǵa tirkeldi. 1 oqýshy dene shynyqtyrýda qaza tapsa, ekinshi oqýshynyń keýde tusynan urǵandyqtan mert boldy. Qazaqstanda naqty statısıkany keltirý múmkin emes. Sebebi, bul másele BAQ arqyly jıi aıtylmaıdy. Shamamen, 10-15 oqýshy Qazaqstan boıynsha júrek talmasyna ushyrap jatady. Naqty statısıka keltire almaıtyn taǵy sebep, jedel járdem kelgen ýaqytta naýqas dúnıeden ótip ketedi. Aıaq asty júregi toqtaǵan adamǵa alǵashqy eki mınýtta kómek kórsetilmese, ol qaıtys bolady. Sondyqtan, bul statısıka bizde naqty emes», - dedi Rýslan Baıanuly.
Rýslan Masqýtovtyń aıtýynsha, osyndaı sebepterdiń aldyn alý úshin barlyq mektepterge júrek toqtaǵan kezde kómek kórsetetin qurylǵy - defıbrıllátor alý qajet.
«Kez kelgen jerde adam esinen tanyp, qulap júregi toqtap qalsa, oǵan ári ketse 5 mınýt, al negizi 2 mınýttyń ishinde kómek kórsetilse, tiri qalaýy múmkindigi bar. Osy jaǵdaıda amerıkalyq ónim - defıbrıllátor qurylǵysy kómek kórsetedi. Buǵan deıin elimizde bul zamanaýı tehnologıany Almaty men Astananyń eń úzdik emhanalary qoldanyp kelgen» - dedi Masqýtov Rýslan Baıanuly.
Aldaǵy ýaqytta mamandar defıbrıllátordy Almatynyń barlyq mektepterine satyp alý qajet degen usynystaryn qalalyq ákimdikke jetkizbek.
