Búgin Almaty qalasyndaǵy Kaspıı qoǵamdyq ýnıversıtetinde memlekettik tildiń birtutas latyn álipbıine kóshýin talqylaý jáne qoldaý aıasynda profesorlyq-oqytýshy ujymynyń talqylaý jıyny bolyp ótti, dep habarlaıdy Qamshy.kz aqparat agenttigi.

Kaspıı ýnıversıtetinde ótken «Latyn álipbıine kóshý – zaman talaby» atty jıynǵa atalmysh ýnıversıtet ujymy, ózge joǵary oqý oryndarynyń profesorlary, stýdentter jáne de BAQ ókilderi qatysty.

Búgingi shara jaıynda Kaspıı ýnıversıtetindegi gýmanıtarlyq ǵylymdar joǵary mektebiniń dekany Juman Saıat Áldibaıuly aıtyp berdi.

«Búgin Kaspıı qoǵamdyq ýnıversıtetiniń uıymdastyrýymen Elbasynyń «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgendeı eń birinshi kún tártibine qoıylyp otyrǵan másele – qazaq tiliniń latyn álipbıine kóshý máselesine baılanysty is-shara ótkizip jatyrmyz. Bul jıynǵa ýnıversıtetimizdegi stýdentter, oqytýshylar quramy belsene atsalysýda», - deıdi.

Onyń aıtýynsha, búgingi tańda latyn álipbıine kóshýdi búkil halyq, ásirese jastar qoldap otyr. «Sebebi, latyn álipbıine kóshý – zaman talaby», - deıdi ol.

«Búgingi sharaǵa qonaq retinde latyn álipbıine tikeleı qatysy bar tulǵalar, sony zertteýshiler, fılologıa ǵylymdarynyń profesorlaryn shaqyryp otyrmyz», - deıdi Saıat Áldibaıuly.

Fılologıa ǵylymdarynyń kandıdaty, dosent Maıra Júnisova búgingi sharanyń negizgi mindetteri men talaptaryna qatysty aıtyp ótti.

«Búgingi «Latyn álipbıine kóshý – zaman talaby» atty jıynnyń negizgi maqsaty, mindeti – elimizdiń jastaryna, stýdentterge latyn álipbıine kóshýdiń ýaqyt suranysy ekendigin túsindirý jáne onyń tarıhı turǵydan óte mańyzdy qubylys ekendigin uǵyndyrý bolyp tabylady», - deıdi Maıra Júnisova.

Fılologıa ǵylymdarynyń kandıdaty Maıra Júnisova búgingi jıynda latyn álipbıine kóshý máselesiniń zaman talabyna sáıkes bolýyna qatysty baıandap berdi.

Sonymen qatar, «Latyn álipbıine kóshý – zaman talaby» atty jıynǵa arnaıy shaqyrtylǵan fılologıa ǵylymdarynyń fılologıa ǵylymdarynyń kandıdaty, dosent Isqan Beıbit Jáleluly latyn álipbıine kóshýdegi kem-ketik tustar men onyń artyqshylyqtary jaıynda aıtyp, stýdentterdiń birneshe saýaldaryna jaýap berdi.

Aıta keter bolsaq, Isqan Beıbit Jáleluly qazaq tilin latyn álipbıine kóshirý máselesi sonaý 1992 jyldan beri kóterilip kele jatqandyǵyn aıtyp, osyǵan qatysty birshama dısertasıalar jazyp, kóptegen eńbekterin latyn álipbıine arnaǵandyǵyn da aıtyp ótti.

Búgingi sharada arnaıy baıandama jasaǵan fılologıa ǵylymdarynyń kandıdaty, dosent Tóleýbek Zaısanbaev Qızatuly da stýdentterdiń arnaıy saýaldaryna jaýap berip, latyn álipbıine kóshý máselesine qatysty ózindik baıandamasyn jasap, latyn álipbıiniń nusqalaryna da qatysty toqtalyp ótti.

Parlamentte usynylǵan nusqa men Elbasyna tanystyrylǵan eki nusqanyń kemshilikteri men artyqshylyqtary jaıynda aıtyp ótti.

Sonymen qatar, búgingi sharaǵa belsendi túrde qatysqan stýdentter fılologıa ǵylymynyń kandıdattaryna latyn álipbıine qatysty kókeılerinde júrgen suraqtaryn qoıyp, tıisti jaýaptaryn ala aldy.