26 qazanǵa  arnalǵan aýa raıy boljamyn jarıa etti dep habarlaıdy Qamshy.kz aqparat agenttigi  «Qazgıdrometke» silteme jasaı otyryp.

Atmosferalyq aǵymdardyń ótýine baılanysty eldiń batysynda jaýyn jaýyp, respýblıkanyń soltústigi men ortalyǵynda jáne shyǵysynda keı jerlerge qar túsedi. Respýblıka boıynsha jel kúsheıip, tuman túsip, kóktaıǵaq bolady.

Shyǵys Qazaqstan, Aqtóbe oblystarynyń keı jerlerine tuman túsip, kóktaıǵaq bolady, jeldiń kúshi sekýndyna 15-20 metrge jetedi, ekpini 25 m/s bolady.

Ońtústik Qazaqstan, Qyzylorda oblystarynyń birqatar aımaqtarynda jeldiń kúshi sekýndyna 15-20 metrge jetedi. Atyraý, Jambyl oblystarynyń birqatar aımaqtarynda tuman túsip, jeldiń jyldamdyǵy sekýndyna 15-20 metr bolady.

Mańǵystaý oblysynda kúndiz kún kúrkirep, 15-20 m/s jyldamdyqpen jel soǵady.

Soltústik Qazaqstan oblysynda túnde keı jerlerde boran soǵyp, kóktaıǵaq bolyp, jeldiń kúshi 15-20 m/s-qa jetedi.

Batys Qazaqstan oblysynyń keı jerlerinde kóktaıǵaq bolyp, kúndiz jel sekýndyna 15-20 metrge deıin kúsheıedi.

Aqmola oblysynda túnde boran soǵyp, tuman túsip, 15-20 m/s jyldamdyqpen jel soǵady.

Qaraǵandy oblysynda da boran soǵyp, túnde jeldiń jyldamdyǵy 15-20 metrge jetip, tań ata tuman túsedi.

Pavlodar oblysynda túnde jeldiń ekpini sekýndyna 15-20 metrge jetedi.

Qostanaı oblysynyń birqatar aımaqtarynda tuman túsedi.