Qyrǵyzstannyń ekonomıka mınıstri Artem Novıkov Qazaqstan eki eldiń shekarasyn retteýge arnalǵan jol kartasyna qol qoıýdan bas tartty dep málimdedi, - bul týraly Qamshy.kz aqparat agenttigi Azattyqqa súıene otyryp jazady. 

Onyń sózderinshe, qazaq taraby jol kartasyna qol qoıǵannyń ózinde shekara ashylmaıdy, erkin qozǵalys bolmaıdy dep málimdegen.

«Búgin jol kartasyna qol qoıý rásimi bolmady. Biz endi ári qaraı EAEO aıasynda jumys isteýge tyrysamyz. Osydan keıin qandaı-da bir sheshim qabyldanady», - dedi Novıkov Erevanda ótken kelissózden keıin.

Mınıstr muny Qyrǵyzstannan keletin kontrabandamen túsindirgen. Biraq ol bul másele EAEO elderiniń bárinde bar deıdi.

18 qazanda Astanada ótken kelissózder barysynda eki eldiń úkimet jetekshileri kelesi kúnnen bastap jolaýshy kólikteri men júgi bar adamdardy shekaradan ótkizýdi jeńildetý týraly ýaǵdalasqan.