Astana qalasynda óńirlik aqparapttyq-túsindirý tobynyń múshelerine arnalǵan «Halyqtyń dintaný saýattylyǵyn arttyrý máseleleri boıynsha aqparattyq-túsindirý jumystarynyń tıimdiligi» taqyryby boıynsha ekikúndik oqytý sımınary ótti dep habarlaıdy Qamshy.kz aqparat agenttigi.
İs-sharany Qazaqstan Respýblıkasy Din isteri jáne azamattyq qoǵam mınıstrliginniń Din isteri komıteti uıymdastyrdy.
Semınardyń basty maqsaty din salasynda memlekettik saıasattyń júzege asyrý máseleleri boıynsha aqparattyq-túsindirý tobynyń tıimdi jumys isteý ádisterin anyqtaý men talqylaý.
Atalǵan is-sharaǵa 100-ge jýyq adam qatysty. Onyń ishinde QR Din isteri jáne azamattyq qoǵam mınıstrliginiń Din isteri komıteti basshylyǵy, QR Bilim jáne ǵylym mınıstrliginiń ókilderi, QR Qlttyq qaýipsizdik komıteti Terorızmge qarsy ortalyǵynyń ókilderi, Mádenıtetter men dinderdiń halyqaralyq ortalyǵy, óńirlik din isteri basqarmalary jáne Din problemalaryn zertteý ortalyǵynyń basshylary, aqparattyq-túsindirý tobynyń músheleri, barlyq óńirden ǵalymdar, teologtar, dintanýshylar qatysty.
Semınardyń birinshi kúni Din isteri komıteti tóraǵasynyń mindetin atqarýshy E.A Ońǵarbaev óz sózinde: «Ekstremızmmen kúrestiń basty quraly retinde aqparattyq túsindirý toptary jumystarynyń tıimdiligin arttyrý qajet»,− dedi. Ol, sonymen qatar semınarda alǵan bilimdi kópshilik ishindegi arnaıy toptarmen jumys júrgizýde paıdalanýdy usyndy.
Sonymen qatar, bul kúni semınarda L.N.Gýmılev atyndaǵy EUÝ-niń «Áleýmettik basqarý tehnologıalary» kafedrasynyń profesory, E.A. Shahanov jáne de Shyǵys Qazaqstan oblysy boıynsha «Din problemalaryn zertteý ortalyǵynyń» dırektory I.K. Berkimbaeva óz trenıńterin ótkizdi.
Semınardyń ekinshi kúni óńirdegi aqparattyq-túsindirý toptarynyń ózara tájirıbe almasýlaryna, tıimdi ádistermen túsindirý jumystaryn júrgizýge arnaldy. Sonymen qatar, óz sózinde din isteri komıteti tóraǵasynyń orynbasary A.S. Ábildınova jekelegen aımaqtarda halyq arasyndaǵy maqsatty toptarmen jumys júrgizýdegi tájirıbeniń mańyzdylyǵyn atap ótti. Buǵan qosa, ol aqparattyq-túsindirý tobynyń múshelerimen alǵan bilimderin aımaqtarda bólisýge shaqyrdy.
Sondaı-aq, QB «Ańsar» ońaltý ortalyǵynyń jetekshisi A.Q. Sabdın QAJ mekemelerindegi sottalǵandar men destrýktıvti dinı aǵymdardyń qurbandaryn ońaltý taqyrybynda trenıń ótkizdi.
Ekikúndik semınar barysynda aqparattyq-túsindirý tobynyń qyzmetiniń túıitkildi máseleleri boıynsha pikir almasýlar ótti. Ózekti máseleler anyqtaldy. Maqsatty toptyń arasynda neǵurlym tıimdi jumys ádisterin júrgizý qaraldy.
İs-shara sońynda QR Din isteri jáne azamattyq qoǵam mınıstrligi atynan óńirlik din isteri basqarmasynyń belsendi múshelerine alǵys hattar jáne qazirgi zamanǵy gadjetter tabys etildi.
