Kırıllısadan bas tartý arqyly keıbir elder Eýropaǵa jaqyndaýdy oılasa, keıbiri Ýkraınadan aıyrylyp qalýǵa qorqyp otyr. Osy turǵyda sheteldik InoZpress basylymynyń tilshisi óz paıymyn jazdy.

Qazaqstan basshysy latyn álipbıiniń jańa nusqasyn engizip jatqanda, Ýkraınaǵa da dál osyndaı oı kele qaldy.

Sarapshylardyń teń jartysy ýkraın tiliniń latyn álipbıine kóshýin qoldap otyr. Olar latynǵa kóshý prosesi arqyly Ýkraınanyń Eýropaǵa bir taban jaqyndaıtynyna nyq senimdi. Áleýmettik jelide Ýkraına halqynyń «Latynǵa kóshemin» degen jazýlary jıilep ketti.

Lvov sýretshisi Vlodko Kostyrko latynǵa kóshý jaıynda birneshe pikir qaldyrdy. Atalmysh ıdeıany qoldaıtyndardyń qatarynda jańa sózder qataryn tolyqtyrǵan jazýshy Andreı Lúbka da bar.

«Qazirde eýropalyq birigý úrdisi júrip jatyr. Bul latyn tilinde bolatyn qujattardy óńdeý máselesine tikeleı baılanysty. Máselen, meniń esimimdi polák tilinde ataý qıynǵa soǵady. Búgingi latynsha jazý úlgisiniń burmalanǵany sonshalyq, meniń esimimdi polák tilinen ýkraın tilinen aýdarǵan ýaqytta «Andriı» emes, «Andrii» bolyp oqylady. Iaǵnı, ózimniń qujattar ózime tıesili bolmaı shyǵady. Latyn álipbıin meńgerý men onyń Ýkraınǵa sáıkestigi bul máseleni shesher edi», - dedi Lúbka latyndaný máselesine oraı ótken pikirtalasta.

«Kırıllısa bizdi Eýropadan alshaqtatyp, Reseıge jaqyndatady», - deıdi Lvov ýnıversıtetiniń profesory Valerıı Kornııchýk. Alaıda, latynǵa kóshýdiń óte uzaq, ári kóp qarjyny talap etetin proses ekenin aıtty.

Ýkraınada latynǵa kóshýge qarsy tarap ta bar. Olardyń oıynsha, mundaı proses mátindi terý kezinde qıyndyqtarǵa ákelýi múmkin. Sebebi, jańa baǵdarlama engizip, jańa pernetaqtalar ornatýǵa týra keledi. Al jaqtaýshylar munyń esh qıyndyǵy joq ekenin qaıtalaýdan jalyqpaıdy. Olar latyn álipbıine sáıkes bolatyn baǵdarlamalardyń kóp ekenin eskerdi.

Iaǵnı, latynǵa kóshý týrasynda ýkraınalyqtardyń oıy ekige bólindi. «Ýkraına halqy atam zamannan kırıllısany qoldanyp keledi. Eń alǵashqy kitap ta kırıllısamen jazylǵan. Bul saıasat Ýkraınanyń odan saıyn bólinýine ákelip soǵýy múmkin», - deıdi Bogdan Homıch.

Al eks-depýtat Vladımır Iavorıvskıı atalmysh proseske áli erte ekenin aıtady: «Ýkraına halqy túgeldeı ýkraın tilinde sóıleýi kerek. Myqty memleketke aınalý qajet. Reseımen aradaǵy qıyndyqtar sheshilgen ýaqytta ǵana, latynǵa kóshý máselesin qolǵa alýǵa bolady».