Keshe AQSH-tyń Tehas shtatynda baptıser shirkeýinde qulshylyq kezinde áldebir adam oq atyp, kem degende 27 adam qaza tapty, dep habarlaıdy Qamshy.kz aqparat agenttigi Azattyq Radıosyna silteme jasap.
Tehas gýbernatorynyń málimdeýinshe, San-Antonıo qalasynan ońtústikke qaraı 50 kılometr qashyqtyqtaǵy Sazerland Sprıngs eldi mekeninde shirkeýde bolǵan atystan 20 adam jaralandy. Birneshe adam aýyr halde aýrýhanada jatyr. Qurbandar arasynda jas balalar men egde kisiler de bar.
Polısıanyń málimetinshe, shirkeýdegi atysty 26 jastaǵy Devın Patrık Kellı uıymdastyrǵan. Kýágerler onyń shirkeýge qulshylyq bastalǵanda qara tústi kıimmen kirip baryp, oq atqanyn aıtady. Shirkeýden shyǵarda oǵan mergen myltyǵy bar jergilikti turǵyn qarsy oq atqan. Shabýyl jasaǵan adam oqıǵa ornynan óz kóligimen qashyp ketken. Polısıa az ýaqyt izine túsken soń ishinde shabýyl jasaǵan adamnyń máıiti jatqan qıraǵan kólikti tapty. Onyń óz-ózine qol salǵany, ıa atys kezinde alǵan jaraqatynan kóz jumǵany belgisiz. Polısıanyń habarlaýynsha, shabýyldaýshynyń denesinede oq ótpeıtin keýdeshe bolǵan.
AQSH prezıdenti Donald Tramp shabýyl qurbandarynyń otbasylaryna kóńil aıtty.
