Almatyda medıa-qaýymdastyq ókilderi JOO-larda jýrnalıs mamandardy daıyndaý máselesin talqylady, dep Qamshy.kz aqparat agenttigi QazAqparatqa súıene otyryp jazady.
Mamandardy daıarlaý máselesin «MedıaAláns» qoǵamdyq birlestiginiń teń quryltaıshysy Arman Shoraev kóterdi. «Jýrnalısıka salasy depressıada. Kásibı bilikti mamandar joqtyń qasy.
QazUÝ-dan basqa ýnıversıtetterde jýrnalısıka fakúltetterin jabý kerek. Basqalary talaby, daryny joq mamandardy shyǵaryp jatyr. Tek QazUÝ-dan shyqqan sanaýly azamattardy ǵana myqty jýrnalıs dep aıtýǵa bolady, qalǵany muǵalim, oqytýshy bola alady», - dedi Arman Shoraev.
Onyń aıtýynsha, batysta myqty jýrnalıser belgili bir salany oqyp zertteıdi. Máselen bilikti zańger sol salada jazatyn jýrnalıs bola alady. «QR Bilim jáne ǵylym mınıstrligi lısenzıany ońdy-soldy shashyp jatyr. Ol jerde sybaılas jemqorlyq ta joq emes.
Qostanaıda jýrnalısıkany oqytatyn 15-20 profesor bar ma? Jýrnalısıkany tek praktıka júzinde úırenýge bolady», - dedi ol. Qatysýshylar, respýblıkalyq ınternet basylym jetekshileri 4 jylda alǵan bilim tez arada eskirip qalatyndyǵyn aıtty. Halyqaralyq aqparattyq tehnologıalar ınstıtýtynyń kafedra meńgerýshisi Aıgúl Nıazǵulova aıtylǵan synǵa qarsylyq bildirdi.
«Bizdi eshteńe oqytpaıdy degen syn bizge aýyr tıedi. Jýrnalısıkany oqyǵan mamannyń basqalardan ereksheligi - tehnologıany meńgerip shyǵady. Eger keı adamdarǵa belgili bir JOO-lardyń maman daıarlaýy unamaıtyn bolsa, jalpy otyryp sheshý kerek», - dedi A.Nıazqulova.
QR BǴM ókilderi jumys berýshilerdiń talaby tym joǵary ekendigin aıtty. «Redaksıalar bakalavrıattan daıyn maman keledi dep kútedi. Biraq bakalavrıattyń áý-bastaǵy mindeti - úırenýge úıretý. Túlekter praktıkalyq tájirıbemen ǵana mamanǵa aınalady. Naryq pen bilim berý salasynyń arasy alshaqtap ketken. Qazir barlyq salada múmkindik bar. JOO-larda sheberlik saǵattary ótedi. Jýrnalısıka fakúltetterin eshkim jappaıdy. Ony jańǵyrtý kerek», - dedi QR BǴM keńesshisi Maırash Taıkenova.
QR Aqparat jáne komýnıkasıalar vıse-mınıstri Alan Ájibaev mamandyǵy boıynsha baǵdarlamashy-fızık ekendigin, Ulybrıtanıada mass-medıa kýrsyn támamdaǵanyn aıtyp, jýrnalıs bolý úshin 4 jyl bilim alýdyń qajeti joqtyǵyn atap ótti.
«Kóp jaǵdaıda jańsaq pikir aıtylyp jatady. Medıakeńistik kúnde ózgerip keledi. Máselen, OQO-da 150-den astam gazet-jýrnal shyǵady. Keı jaǵdaıda olardyń tırajy respýblıkalyq basylymdardan asyp ketedi. Biz ortalyq qalalarǵa qarap boı túzemeýimiz kerek, ınternetten góri gazetter áli de suranysqa ıe shaǵyn qalalar da bar.
Eń bastysy fakúltetterde ózgerip jatqan medıakeńistiktiń talaptarynan qalyp qoımaı, zaman kóshine ilesip otyrǵan abzal»,- dedi vıse-mınıstr. Jıyn barysynda BAQ basshylary, JOO ókilderi, qos mınıstrlik ókilderi jýrnalıs mamandardyń biliktiligin qalaı arttyrý máselesin jan-jaqty talqyǵa saldy.
