Sońǵy eki aıda Astanada www.enbek.kz portaly arqyly 206 jumys berýshi 1193 bos jumys oryndaryn usyndy, dep habarlaıdy Qamshy.kz aqparat agenttigi elorda ákimdiginiń medıa ortalyǵyna silteme jasap.

Astana qalasynyń  Jumyspen qamtý, eńbek jáne áleýmettik qorǵaý basqarmasynyń basshysy Ermek Ospanovtyń málimetinshe jumyspen qamtý qyzmetin jetildirýge qatysty Astana qalasynyń Halyqty jumyspen qamtý ortalyǵy alǵash bolyp qyrkúıek aıynda jańa formatta jumys isteı bastady.

 «Negizgi ózgesiterdiń biri ol HR – qyzmeti turǵysynan jumys berýshilerge qajetti mamandardy sapaly túrde tańdaý bolyp tabylady. Iaǵnı, eger buryn Jumyspen qamtý ortalyǵy jumys izdeýshilerge jumys oryndaryn izdese, al qazir, jumys berýshilerge mamandar izdeımiz», - dedi E.Ospanov.

Sondaı-aq endi jumys berýshilerge bos jumys oryndar týraly málimetti berý úshin Halyqty jumyspen qamtý ortalyǵyna kelip júrýdiń qajeti joq.

«Ol úshin www.enbek.kz portalyna tirkelip jeke kabınet ashý arqyly óziniń bos jumys oryndaryn kórsete alady, al jumys izdeýshiler osy portalda elektrondyq túıindemelerin toltyryp, bos jumys oryndaryn qaraı alady», - dedi basqarma basshysy. ​​​