Qazaqstanda 2018 jyldyń 1 qańtarynan bastap azyq-túlik sebetiniń qurylymy ózgeredi dep habarlady Astanada ótken brıfıńte eńbek jáne halyqty áleýmettik qorǵaý vıse-mınıstri Svetlana Jaqypova. Vıse-mınıstrdiń sózinshe, 1 qańtardan bastap eń tómengi kúnkórý deńgeıiniń mólsheri 24459 teńgeden 28284 teńgege (15,6 paıyz) ulǵaıady. Bul týraly Qamshy.kz aqparat agenttigi Azattyqqa súıene otyryp jazady.
Jaqypova kelesi jyly eń tómengi kúnkóristi quraıtyn azyq-túlik sebetinde azyq-túlik burynǵy 60 paıyzdan 55 paıyzǵa azaıtylyp, azyq-túlik emes taýarlar 40 paıyzdan 45 paıyzǵa kóbeıtiletinin aıtady.
"Resmı statısıka boıynsha, halyqtyń tutyný qurylymy ózgergen. Halyqtyń azyq-túlik emes taýarlar men qyzmet kórsetýge jumsaıtyn shyǵyny 45 paıyzdy quraǵandyqtan, azyq-túlik sebetiniń qurylymyn ózgertýge sheshim qabyldandy. Osylaısha, sebettiń ózgerýinen eń tómengi kúnkóris deńgeıiniń mólsheri 16 paıyzǵa ulǵaıyp otyr. 33 jyl eńbek ótili bar zeınetkerler 28284 teńge alady",- dedi Svetlana Jaqypova.
