Pavlodar turǵyny qoqys jáshiginen memlekettik rámizderdiń birin taýyp alǵan. Eltańba ortalyq stadıon mańyndaǵy qoqys jáshikteriniń birinen senbilik barysynda tabyldy. Tabylǵan eltańbany fýtbol jankúıerleri uıaly telefondaryna túsirip alǵan. Bul týraly 31 arnanyń jańalyqtar qyzmeti habarlady, dep jazady Qamshy.kz aqparat agenttigi.

Dál sol ýaqytta jergilikti «Irtysh» jáne qaraǵandylyq «Shahter» klýbtarynyń arasynda mach júrip jatqan.

Memlekettik rámiz qurylys qaldyqtarynyń arasynda jatty. Sport nysany ákimshiliginiń aıtýynsha, qyzmetkerler eltańbany senbilik barysynda taýyp alǵan. Al ony kimniń tastaǵany áli belgisiz. Stadıon mańynda eki birdeı memlekettik mekeme ornalasqanyn aıta ketý kerek: biri qalalyq sot bolsa, endi biri oblystyq sport basqarmasy. Eger is qozǵalyp, kináli tabylǵan ýaqytta olarǵa memlekettik rámizdi qorlady degen aıyppen qylmystyq jaýapkershilik júktelýi múmkin. 4 jarym mln. teńge kóleminde aıyppul tóleıdi nemese 2 jylǵa sottalady.