Jýrnalısıka salasynda mamandardy daıarlaý máselesin «Medıa Aláns» qoǵamdyq birlestiginiń quryltaıshysy Arman Shoraev kóterip, QazUÝ-dan basqa ýnıversıtetterde jýrnalısıka fakúltetin jabý kerek degendi usynǵany habarlanǵan bolatyn.
Osy tusta atalmysh usynysqa baılanysty jáne bul taqyryp tóńiregindegi túrli pikirlerdi saralaı kele saýaldardyń bir parasyn jýrnalıs Arman Sqabylulyna qoıǵan edik. Marhabat!
- Arman Sqabyluly, kesheli beri jýrnalısıka fakúltetterin jabý týraly usynys keń talqylanyp, qarsy pikirler de aıtylyp jatyr. Osy jaıynda ne aıtasyz?
Jýrnalısıka fakúltetterin jabý – oılanbaı aıtylǵan sóz. Men jýrnalısıka fakúltetterin jańa zamanǵa laıyqtap, jańa tehnologıamen jabdyqtap, praktık muǵalimderdi kóbeıtý syndy áńgimeler kóterilse qos qoldap qoldar edim. Jýrnalısıka búginde jýrnalıserdiki bolmaı qaldy. Búgingi tańda jýrnalısıka fakúltetteriniń jaıy meni de qýantpaıdy. Sońǵy jyldary túlep ushqan bilimgerlerdiń bilim dárejesi de tómen. Jýrfaktan eń aldymen kózi ashyq, kókiregi oıaý azamattar, aqyn, jazýshylar shyǵatynyn eskerý kerek. Soǵan laıyqtap áreket etý kerek. Men jýrfakty modernızasıalaý, muǵalimderin aýystyrý, jańa zaman talabyna saı bilimdi jetildirý kerek dese kelisemin, alaıda jýrnalısıka fakúltetin jabý degen aqymaqtyq sóz.
- Jýrnalısıkada praktıkadan góri teorıa basymyraq. Bilikti mamandardy daıyndap shyǵarý úshin ne isteý kerek?
Búginde jas jýrnalıser, stýdentter maǵan kóp keledi. Kelgen kezde aıtatyn ótinishteri bir: «Aǵa, meni bir jerden praktıkadan ótkizýge járdemdesińiz» deıdi. Jumys berýshi arnalar qabyldamaı jatsa, nege biz jýrnalısıkanyń muǵalimderin kinálaımyz? Keıbir jumys berýshiler, memlekettik arnalarmen oqý ordalary arasynda kelisim bar. Deı turǵanmen ol mekemeler barlyq stýdentti, jas jýrnalıserdi praktıkadan ótkize almaıdy. Onyń ózinde tamyr-tanystyqpen ótedi. Qalamy qarymdy úlken jýrnalıserdiń ózi bas suǵa almaı júrgen esikke stýdentter qalaı kirsin?
Bir shaǵyn mysal keltireıin, bir stýdent qyz Polshadan jýrnalısıkany oqyp kelgenin aıtty. Elge oralǵanyna ókinip otyr. Polshada memlekettik arnaǵa aqsha tólep, praktıkadan ótýge múmkindik bar eken. Bar yntasymen úıretedi deıdi . Al elge oralǵan soń ondaı múmkindikterdiń qarasy da kórinbeıtinin aıtyp nalyp otyr. Odan da «Medıa Aláns» osy máseleni kótersin, osy máseleni jolǵa qoısyn. Medıa-Aláns – jýralıstıkany qorǵaý úshin emes, qurtý úshin qurylǵan eshqandaı paıdasy joq uıym.
- Jýrnalısıkaǵa 4 jyl oqý kóptik etpeıdi me?
Jýrnalısıkaǵa 4 jyl kóptik etedi. Ony búginde birshama jýrnalıser de aıtyp júr. 5 jyl oqyǵanymdy jumysqa ornalasqan soń bir jyl ishinde úırenip aldym dep jatady. Soǵan qaramastan jýrnalısıka fakúltetteri bolý kerek. Keńestik kezden qalǵan qajeti joq pánderdi qysqartý kerek. Jýrnalısıka fakúltettterinde profesor, doktor bolyp otyrǵandardyń basym kópshiligi gazette bir kún jumys istemegender. «Medıa-Aláns» osyǵan da nazar aýdarsyn. Praktıkalyq sabaqtardyń tizimin arttyryp, bilikti mamandardy daıarlaýǵa at salyssyn.
«Qazaqstan Medıa Aláns» jýrnalıs bostandyǵy men quqyǵyn jáne BAQ táýelsizdigin qorǵaý úshin qurylǵan uıym. Alaıda dál osy ýaqytqa deıin Medıa Alánstyń mınıstrlikter aldynda bir jýrnalısiń quqyǵyn qorǵaǵany jaıynda estigen emespin. Mundaı «Medıa Alánstan» góri Jýrnalıser odaǵyn jańalap, qazaq jýrnalısıkasynyń múddesin qorǵaıtyn, damýyna jol salatyn basqa uıym qurýymyz kerek.
- Suhbatyńyzǵa raqmet!
Suhbattasqan: Aıgerim TAÝBAI
