AQSH prezıdenti Donald Tramptyń kortejine saýsaǵyn kórsetken amerıkalyq áıel jumysynan qýyldy. Bul týraly jergilikti Huffington Post habarlaıdy, dep jazady Qamshy.kz aqparat agenttigi.
Aq úıdiń fotografy Tramptyń kortejine dóreki ym kórsetken velosıpedshini sýretke túsirip alǵan. Sýret áleýmettik jelige tarap úlgerdi. Jeli qoldanýshylardyń kóbi áıeldiń bul is áreketin batyldyqqa balady.
Keıin anyqtalǵandaı, basshylyq 50 jastaǵy Djýlı Brıksmendi shaqyryp alyp, onyń áreketin kompanıa saıasatyn buzýshylyqqa jatqyzatynyn jetkizgen. Ári sýretterdiń keńinen taralýy memlekettik tapsyrystardy oryndaıtyn kompanıanyń atyna kir keltirýi múmkin ekenin eskerip, áıeldi jumystan shyǵarǵan.
