Sońǵy bir aıdan beri Andreı Arshavın men zaıyby Alısa Kazmınanyń arasyndaǵy otbasylyq jaǵdaıǵa qatysty qaýeset kóbeıdi. Onyń ras, ótirigi qaısy? Qazaqstan kýbogin jeńip alyp, elimizdiń birinshiliginde kúmis medaldy qanaǵattanǵan Almatynyń «Qaıratynda» oınaıtyn fýtbolshynyń bul áńgimege qatysty aıtary bar ma?
Árıne, Arshavınniń reseılik fanattary úshin bul oqıǵa alǵashqyda tosyn kóringeni ras. 2016 jyly úılengen olardyń shańyraǵynyń shyraıy buzylǵanyna kim kináli? Reseılik BAQ pen ınternet saıttaryna bergen suhbatynda Alısa Kazmına muny joqqa shyǵarǵan, biraq artynan ekiushtylaý etip te jaýap qaıtarǵan. Bul týraly Qamshy.kz aqparat agenttigi Aıqynǵa silteme bere otyryp jazady.
Olardyń ortasynda bir qyzy bar. Instagramǵa jazǵan jazbasynda Alısa alǵashqyda «bul jalǵan» dep áńgimege núkte qoıǵan. Alaıda birneshe kúnnen keıingi jaýabynda «ıá, biz ajyrasyp jatyrmyz, bul – taǵdyr» dep taǵy Arshavınniń fanattaryn ábigerge salǵan. Biraq osy ýaqytqa deıin únsizdik tanytyp kelgen Andreı Arshavın reseılik ınternet saıttarǵa bergen jaýabynda ókinishke qaraı, munyń rastyǵyn aıtty.
–Iá, men armansyz qydyrdym, ony joqqa shyǵarmaımyn. Aqıqatyn aıtsam, keı kezderde Alısaǵa degen mahabbatymdy taza kúıinde saqtaı almadym. Ádeptilik pen senim shekarasynan asyp kettim. Alısaǵa adal bola almadym. Oǵan qazir ókinemin. Árıne, ótken oqıǵany durystaı almaısyń. Eń sońǵy úmitim: áıelim meni túsinedi jáne bárin keshiredi dep oılaımyn. Bul – meniń ómirimdegi eń jaqyn adamym. Sondyqtan eń birinshi qadamym – buzylǵan qarym-qatynasty túzeý, shańyraqtyń shyraıyn qalpyna keltirý.
Árıne, onyń jaǵdaıyn da túsinemin. Sondyqtan muny eshkimniń basyna tilemeımin. Meniń mamam bul jaǵdaıdy estigende qatty kúızeliske tústi. Óıtkeni ol Alısamen óte jyly qarym-qatynasta. Ekeýi qyzymdy alyp, Almatyǵa keldi, Ortalyq alańda «Qaırattyń» oıynyn kórdi. Bizdiń klýbqa jankúıerlik etti».
Almatynyń «Qaıratynda» oınaıtyn jartylaı qorǵaýshy Andreı Arshavınniń aıtýyna qaraǵanda, sońǵy bir aıdan beri ol áıelimen sóılespegen. Ekeýiniń arasynda túsinispeýshilik bolǵannan keıin Alısa Kazmına qyzyn alyp, Sank-Peterborǵp ketip qalǵan kórinedi. Qazir ol osy shaharda jumys isteıdi. Jaqyn ýaqytta Arshavın Sank-Peterbýrgke jol tartpaq. Basty maqsat – eki aradaǵy jaǵdaıdy qalypqa keltirý.
Biraq Alısa Kazmınanyń áleýmettik jelidegi paraqshalarynda ajyrasý týraly bir aýyz sóz joq. Qaıta onyń Andreımen túsken sýretteri kóp. Qasynda – segiz aılyq qyzdary.
– «1 qyrkúıekte bizdiń qosylǵanymyzǵa bir jyl toldy. Alaıda kóp nársege shydadym. Biz týraly ne aıtylmady?! Meni «jezókshe», «nashaqor», «maskúnem» dep jazǵandar da kezdesti. Biraq biz ómir synaǵyna shydas berdik. Ómirimdi jaqsy jaǵyna qaraı burǵany úshin taǵdyryma yrzamyn». Alısa Kazmına ınstagramdaǵy taıaýdaǵy jazbasynda osyndaı pikir qaldyrypty. Sondyqtan ekeýiniń aldaǵy ómiri qalaı bolady, ony ýaqyt kórsetedi.
Derekke júginer bolsaq, biraz ýaqyt kezdesip júrgen Alısa men Andreı 2016 jyly zańdy nekege turǵan. Alısa buryn kásipker Alekseı Kazmınge turmysqa shyqqany belgili. Olardan qalǵan eki qyz bar. Andreı Arshavıniń azamattyq nekede turǵan Iýlıa Baranovskaıadan taǵy úsh balasy bar. Iýlıamen toǵyz jyl birge turǵan Arshavın artynan Alısaǵa úılengen. Endi mine bul shańyraq ta shaıqalǵaly tur.
…Aqshanyń býyna mastanǵan orystyń shıkil sary balasy otbasylyq qundylyqty baǵalamaı júr-aý.
Berik Beısenuly
