Mazen al-Sersavı atty ımamnyń aıtýynsha, zańsyz týylǵan qyz balalar ákesine eshqandaı qatysy joq, sondyqtan, olarǵa da basqalary sıaqty qaraı berýge bolady, dep Qamshy.kz aqparat agenttigi brıtandyq tabloıd Daily Mail-ge súıene otyryp jazady.
Kaırdegi sýnnıttik baǵyttaǵy eń myqty Al-Azhar ýnıversıtetiniń ımamy Mazen al-Sersavı kópshilikke «erkekterdiń óz qyzdarymen jynystyq qatynasqa túsýine bolady» degen málimdemesi úshin tanyldy. Ol úshin qyz bala nekesiz týylǵan bolý kerek. Onyń oıynsha, nekesiz týylǵan qyzdardyń ákesine eshqandaı qatysy joq.
«Eger ondaı áıel erkekten júkti bolyp, bosansa, onda onymen bolatyn erkek úshin ol haram emes», - deıdi ımam. Bul málimdemesin ol 2012 jyldan bastap aıtyp keledi. Onyń sózderi jazylǵan beınejazba jelige tarap, shetelde de kóp ret qaralǵan.
YouTube kanalyna jarıalanǵan beınejazbanyń óte kóp kórilgenine qaraǵanda Mazen al-Sersavı óte tanymal arab ýaǵyzdaýshysy bolsa kerek. Ol telearnaǵa qanshama ret shaqyrylyp, beınejazbalar túsirgen.
Máskeý ýnıversıtetiniń profesory Roman Sılantevtyń aıtýynsha, Mazen al-Sersavıdiń pikiri tek ózine ǵana tıesili, sebebi Al-Azhar ýnıversıtetiniń ustanymy ımamnyń oıyna túbegeıli kereǵar.
«Ýnıversıtette atalmysh máselege baılanysty ortaq sheshimniń bolmaýy múmkin. Qanshama jat oılar aıtylǵanmen, keıbir senimder tolyǵymen durys emes dep tanylǵan joq. Máselen Qazaqstanda tyıym salynǵan DAISH-tyń mysalynda kishkentaı qyzdarǵa ne bolatyndyǵyn jáne bala saýdasy qalaı júzege asatyndyǵyn kórdik. BAQ quraldary al-Sersavıdiń oıyn qanshalyqty durys jetkizse de, basqa memleketter onyń aıtqandaryna senbeıdi»,-dedi Sılantev.
Qazirgi ýaqytta Egıpet qoǵamynda ıslamdaǵy áıel róli qaıta daýǵa salynýda. Jaqynda ǵana Nabı al-Vahsh esimdi qorǵaýshy ashyq-shashyq kıingen áıelderdi, ásirese, jyrtyq djınsy sym kıgenderin zorlaý kerek degen málimdeme jasady.
Al-Vahshtyń bul aıtqandary jergilikti egıpet telearnalarynan kórsetildi. Ony estigen Egıpettiń áıelder jónindegi Ulttyq Keńes músheleri telearnaǵa jáne qorǵaýshynyń ózin sotqa beretindigin málim etti. Olar telearnalardy áıelder zorlyǵyn kúsheıtetin málimdemeler jasaıtyn adamdardy shyǵarmaýǵa shaqyrdy.
