Permıalyq bloger Alekseı Bessonovtyń «Qazaqstanǵa qarsy soǵys ashý kerek» degen mazmunda jelige taralǵan vıdeosy Qazaqstan Qylmystyq kodeksiniń normalaryn buzýshylyq bolyp tabylady. Bul týraly Tengrinews.kz tilshisine QR İİM málimdedi, dep habarlaıdy Qamshy.kz aqparat agenttigi.

«Alekseı Bessonovtyń áreketine baılanysty QR QK-niń 179-babyna sáıkes «Nasıhat júrgizý jáne bılikti jaýlap alý nemese ustap qalý nemese Qazaqstan Respýblıkasynyń konstıtýsıalyq qurylysyn kúshtep ózgertý» boıynsha Qylmystyq is júrgizý kodeksiniń 187-babyna sáıkes, aıyptaýdy Ulttyq qaýipsizdik komıteti júzege asyrady», - delingen İİM habarlamasynda.

Budan buryn QR UQK Bessonovtyń áreketi faktisin tekserý ústinde ekenin habarlaǵan.

Aıta keteıik, budan buryn Qazaqstanǵa qarsy ashyq narazylyq bildirgen Alekseı Bessonovtyń vıdeosy jelige taraǵan. Respýblıka azamattary blogerge qarsy qylmystyq is qozǵaýdy talap etti.