Aldaǵy jańa maýsymda Ulttyq arnadan kórermenge jol tartatyn «Enshi» zıatkerlik-tanymdyq televızıalyq jobasynyń aımaqtyq irikteýi Qyzylorda qalasynda ótti. Oblys ortalyǵyndaǵy bilim ordalarynyń biri – №101 mektep-lıseıinde ótken jobaǵa oblys boıynsha 127 úmitker qatysýǵa nıet bildirgen. Olardyń 15-i ekinshi kezeńde baq synaý múmkindigine ıe bolsa, televızıalyq kezeńge 6 qatysýshy ǵana joldama aldy.Aıta keteıik, atalmysh joba Qazaqstan Respýblıkasy mádenıet jáne sport mınıstrligi tilderdi damytý jáne qoǵamdyq-saıası jumys komıteti «Sh. Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy» RMQK tapsyrysy negizinde qolǵa alynǵan edi. Baıqaý barlyǵy 4 kezeńge negizdelgen. Baǵdarlamaǵa respýblıka boıynsha 10-11 synyp oqýshylary men 1-2 kýrs stýdentteri ǵana qatysa alady. Olardyń ishinen 48 qatysýshy iriktelip, joldama alýǵa múmkindigi bar. Al, bilim básekesinde qoıylatyn suraqtar kóbinese, ulttyq salt-dástúrge, tarıh pen mádenıet, ádebıet, follor men logıkaǵa negizdelgen. Qazaq tiliniń mártebesin arttyryp, tól tilimizdiń zıatkerlik saıystaǵy qoldanysyn jańǵyrtý maqsatynda efırge shyǵatyn jobanyń irikteý kezeńi eki bólimnen turady. Ereje boıynsha qatysýshy munda 3 blokqa bólingen tapsyrmalardy oryndaýy shart. Testileýden joǵary upaı jınaǵandar ekinshi kezeńde aýyzsha saýaldarǵa jaýap beredi. Buǵan deıin irikteý sharalary Aqtaý, Óskemen, Aqtóbe, Almaty, Shymkent, Astana men elimizdiń ózge de qalalarynda uıymdastyrylǵan edi.
Qyzylordada 21 qazan kúni «Enshi» zıatkerlik-tanymdyq televızıalyq jobasynyń aımaqtyq kezeńi ótedi. İrikteý oblys ortalyǵyndaǵy №101 mektep-lıseıde saǵat 10:00-de bastalady. Jobaǵa 10-11 synyp oqýshylary men 1-2 kýrs stýdentteri qatysa alady.
Baǵdarlama QR Mádenıet jáne sport mınıstrligi Tilderdi damytý jáne qoǵamdyq-saıası jumys komıteti men Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń bastamasymen qolǵa alynǵan.
Baǵdarlama elimizdiń eń bilimdi jasyn anyqtaýǵa baǵyttalǵan. Tórt kezeńdi qamtıtyn saıysqa elimizdiń túkpir-túkpirinen 48 qatysýshy iriktelip alynady. Bilgirler básekesinde qoıylatyn suraqtardyń deni tarıh, mádenıet, ádebıet pen salt-dástúrge negizdelgen.
Aıta keteıik, irikteý kezeńi eki bólimnen turady. Qatysýshy 3-blokqa bólingen tapsyrmalardy oryndaıdy. Alǵashqy blokta berilgen 10 saýaldyń bir ǵana nusqasy durys bolsa, ekinshi blokta suraqtardyń birneshe jaýaby beriledi. Al úshinshi blokta uzyn-sany jıyrma saýaldyń eshbir nusqasy usynylmastan, jazbasha túrde alynady. Testileýden joǵary upaı jınaǵandar ekinshi kezeńde aýyzsha saýaldarǵa jaýap beredi.
