Úshtildi jetik meńgergen jastar arasyndaǵy «Tildaryn» respýblıkalyq olımpıadasy óz máresine jetti dep habarlaıdy Qamshy.kz aqparat agenttigi.
Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasy aıasynda Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumystar komıteti men Shaısultan Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy uıymdastyrǵan shara óz deńgeıinde ótti. Astana, Almaty qalalary men aımaqtyq irikteýden súrinbeı ótken saıyskerler búgin «Baldáýren» respýblıkalyq oqý-saýyqtyrý ortylyǵynda bilimderin tarazylady. 18-20 jas aralyǵyndaǵy qazaq, orys, aǵylshyn tilderin ıgergen jastardyń bilimin arnaıy qurylǵan qazylar alqasy baǵalady. Qazylar alqasy quramynda akademık, E.A. Bóketov atyndaǵy Qaraǵandy memlekettik ýnıversıtetiniń Qazaq ádebıeti kafedrasynyń profesory, fılologıa ǵylymdarynyń doktory Jandos Smaǵulov, L.N. Gýmılev atyndaǵy Eýrazıa ulttyq ýnıversıtetiniń Shetel tilderiniń teorıasy jáne tájirıbesi kafedrasynyń dosenti, pedagogıka ǵylymdarynyń kandıdaty Jaınash Nurjanova, L.N. Gýmılev atyndaǵy Eýrazıa ulttyq ýnıversıtetiniń Qazaq til bilimi kafedrasynyń dosenti, fılologıa ǵylymdarynyń kandıdaty Saltanat Shoqabaeva, Sh.Ýálıhanov atyndaǵy Kókshetaý memlekettik ýnıversıtetiniń Orys fılologıasy jáne kitaphana isi kafedrasynyń jetekshisi, fılologıa ǵylymdarynyń kandıdaty Gúlnara Fatkıeva, Sh.Ýálıhanov atyndaǵy Kókshetaý memlekettik ýnıversıtetiniń Oqý-ádistemelik jáne aǵylshyn tili kafedrasynyń dosenti, fılologıa ǵylymdarynyń kandıdaty Aınagúl Ismaǵulova bar.
Olımpıada erejesine saı qatysýshylar úsh kezeń boıynsha tapsyrma oryndady. Olar alǵashqy aınalymda berilgen taqyryptardyń úsh tilde mazmunyn ashsa, ekinshi kezeńde ilespe aýdarma jasady. Alǵashqy eki aınalymda úsh tildi bilý deńgeılerin kórsetse, sońǵy saıysta qazaq tilinde berilgen taqyrypta esse jazdy.
- Aýqymdy uıymdastyrylyp otyrǵan bul sharanyń maqsaty - qazaq, orys, aǵylshyn tilderin joǵarǵy deıgeıde biletin jastar sanynyń artýyna yqpal etip, qazirgi jasampaz Qazaqstannyń úsh tuǵyrly tildi damytý baǵdarlamasynyń oryndalýyna jaǵdaı jasaý. Jáne ózge tilderdi meńgergen jastarymyz arqyly qazaq tiliniń qoldanys aıasyn keńeıtý. İlespe aýdarma jasaıtyn kásibı mamandar sanyn arttyý bolyp otyr. Sondyqtan jastarymyzdyń bilim deńgeıin baǵalap, olardy yntalandyratyn mundaı jarystar jıi bolyp tursa artyq etpeıdi,- deıdi qazylar alqasynyń tóraǵasy Jandos Smaǵulov.
Olımpıada qorytyndysy boıynsha, bas júldeni Álibek Marat jeńip aldy. Úsh tapsyrmany da tıanaqty oryndaǵan ol qazylar sheshimimen naǵyz polıglot atandy. Al birinshi oryn qyzylordalyq Aıdana Abýbakırovaǵa buıyrdy. Ekinshi oryndy Kámıla Ahmetova enshilese, úzdikter qataryn Gúlmıra Kamenova men Ekaterına Bobka tolyqtyrdy.
-Úsh tuǵyrly til saıasatyn júıeli júrgizý úshin jastarymyzdyń yqylasyn til úırenýge aýdarý kerek. Sonda ǵana Qazaqstan básekege beıim, aǵylshyn tilin meńgergen, ǵylymnyń saı salasynda bolsyn qajetti aqparatyn qoljetimdi ala alatyn jastarymen maqtanatyn bolady. Búgingi baıqaý joǵarǵy deńgeıde ótti. Ár aımaqtyń úsh tildiń jiligin shaǵyp, maıyn ishken jastar kelgen. Sondyqtan olardyń árbiri jeńimpaz, - deıdi jarys júldegeri Aıdana Shynbolatqyzy.
Iá, uıymdastyrýshylar ózge qatysýshylardy da umytpady. Aınela Qojaqmetova men Nurgúl Seıdahmetke yntalandyrý syılyǵy tabystalyp, ózge qatysýshylar Alǵysqattarmen marapattaldy. Júldegerlerge qarjylaı syılyq berildi. Saltanatty shara merekelik konsertpen jalǵasty.
