Aqmola oblysynyń ákimi Málik Myrzalın Feısbýk áleýmettik jelisinde paraqsha ashty, dep habarlaıdy Qamshy.kz aqparat agenttigi. Paraqsha ashýdaǵy maqsaty – oblys turǵyndaryna atqarylǵan jumystar barysyn baıandap, olardyń pikirlerin bilý.
Ákim paraqshasynda mynadaı jazba qaldyrdy:
«Qurmetti dostar!
Facebook ta óz paraqshamdy ashý eń aldymen jumys babymen qajettilik týǵyzdy. Aqparattyq ashyqtyq eń aldymen búkil qazaqstandyqtarmen qatar óńirdiń turǵyndaryna Aqmola oblysyndaǵy memlekettik organdarda atqarylyp jatqan jumystardan habardar bolýmen qatar óz pikirlerin aıtýǵa múmkindik beredi dep oılaımyn.
Aqmola oblysy Astana irgesindegi eń iri aýylsharýashylyǵy aımaq bolyp tabylady. Elbasymymyzdyń Astana qalasynyń azyq-túlikpen qamtý beldeýin odan ári damytý baǵdarlamasyn júzege asyrý maqsatynda óńir bıyl Astanada “AQMOL" - atty saýda núkte jelisiniń alǵashqy dúkeni ashatynyn habarlaımyn!
Munda sizder úshin sapaly ári qoljetimdi baǵamen et, sút, nan ónimderi saýdalanatyn bolady. Bul jobanyń Astanada alǵashqyda kezeńinde úsh saýda jelisi ashylady, keıin saýda jelisiniń sanyn onǵa deıin arttyrý kózdelgen.
Alǵashqy kezeńinde “AQMOL”saýda jelisinde: «Agrofırma «Rodına», JSHS, «Ijevskıı», KK, «Astana Agro Prodýkt», «CAPITAL PROJECTS LTD», «Gormolzavod», «Torgovyı Dom «Aına», "STERH", "Agrofırma TNK", "MPK Bırjan", "Kapıtal Natýr Prodýkt", sıaqty sizderge tanymal kásiporyndardyń taýarlary qoljetimdi baǵamen saýdalanatyn bolady.
Astana qalasy men onyń turǵyndaryn 2017 jyldyń 11 qarashasynda saǵat 12:00 de R.Qoshqarbaev kóshesi 37 úıde kútetin bolamyz!
Qurmetpen, Málik Myrzalın».
