Enshi televızıalyq jobasy ótetinin habarlaǵan bolatynbyz. Joba týraly halyqtyń pikiri qandaı? Joba avtorlary elden "Zıatkerlik saıystardyń mańyzy bar ma? Osy saýalǵa qatysty halyqtyń pikiri qandaı? Aldaǵy jobanyń túsirilim toby kópshiliktiń oıyn bilip, bilim báıgesiniń bereri mol degen baılamǵa keldi. Al sizdiń oıyńyz qandaı?" degen saýaldarǵa jaýap surady.

Aıta ketsek, «Enshi» zıatkerlik-tanymdyq televızıalyq jobasy jýyrda kórermenge jol tartady. Bilim dodasynyń maqsaty talantty jastardy taný, olardyń oqýǵa qyzyǵýshylyǵyn arttyrý jáne bilimdi nasıhattaý. Bastysy, jan-jaqty ári bilimge qushtar, logıkasy men ıntýısıasy damyǵan jastardy kópshilikke tanystyrý. Sondaı-aq, qazaqtyń umyt bolǵan salt-dástúrleri, ulttyq oıyndary, turmysta qoldanylǵan qural-saımandaryn dáripteý. Tórt kezeńdi qamtıtyn saıysqa 10-11 synyp oqýshylary men 1-2 kýrs stýdentteri qatysady. Alǵashqy aınalymda til bilimi, mádenıet, tanym, dástúrden qatysýshylarǵa 15 suraq qoıylady. Ekinshi aınalymda oıynshylar «Toǵyz torap»-ta aty aıtyp turǵandaı 9 túrli taqyryp tóńireginde ózara synǵa túsedi. Jobanyń úshinshi kezeńi «Jamby atý» dep atalady. Bul aınalymda oıynshylar ózderi qalaǵan uıashyqqa jambyny ornalastyrý arqyly suraqty tańdaýǵa múmkindik alady. Sońǵy aınalymnyń suraqtary qazaq ádebıeti, qazaqstan tarıhy, salt-dástúrler, fólklordan keledi. Bilim báıgesinen oza shaýyp, artyna qara salmaǵan qatysýshy dodanyń bas báıgesine ıelik etip, enshisin alady.