Álemniń tanymal Garvard jáne Oksford ýnıversıtetteri Aısholpan Nurǵaevany «Búrkitshi qyz» fılmi shyqqannan keıin oqýǵa shaqyrǵan, — dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.
Qazir Aısholpan Baıan-Ólgıı aımaǵyndaǵy orta mekteptiń 11 synybynda oqıdy. Osydan biraz ýaqyt buryn Azıanyń bedeldi "Asia Game Changer Awards 2017" marapatyn jeńip aldy.
Jaqynda búrkitshi qyzdy Mońǵolıa premer-mınıstri Ýhnaagıın Hýrelsýh qabyldady. Premer mınıstrler kabıneti atynan mektep oqýshysyn quttyqtap, qyzdyń ata-anasyna alǵys bildirdi.
«"Búrkitshi qyz" – keremet fılm. Siz áıelge tán erlik, batyldyq pen tabandylyqty kórsetip, halyqaralyq arenada Mońǵolıanyń atyn shyǵardyńyz", — dedi Hýrelsýh.
Aısholpan premer-mınıstrge dáriger bolýdy armandaıtynyn aıtty.
"Kınoda oınaǵan kóńildi bolsa da,, men áli de dáriger bolǵym keledi", — dedi búrkitshi qyz. Sondaı-aq, Aısholpan týǵan jeri Mońǵolıanyń damýyna óz úlesin qosqysy keletinin de aıtty.
