Qazaqstan Ulttyq telearnasynyń basshysy Erlan Qarın óziniń Facebook paraqshasyna ár senbi saǵat 20.35-te kórsetiletin "Jer Jıxan" baǵdarlamasyn Ǵalym Boqash júrgizetinin habarlady. Onda álemde bolyp jatqan oqıǵalarǵa jan-jaqty saraptama jasalyp, kórermen nazaryna usynylady. 

Aıta keteıik, Ǵalym Boqash 2001-2005 jyldar aralyǵynda "Qazaqstan" Ulttyq teleradıokorporasıasynda shyǵarmashylyq jáne basshylyq qyzmette boldy.

Ǵalym Boqash 1976 jyly týǵan. 1983-1993 jyldar aralyǵynda Semeı oblysy Qarabulaq orta mektebinde oqyǵan.  Ál-Farabı atyndaǵy QazUÝ-dyń  "Shyǵystaný-úndi fılologıasy" boıynsha bilim aldy.  Oksford ýnıversıteti, "Ońtústik Azıa tarıhy men saıasaty" boıynsha MPhil dárejesi bar. 

1999-2001 jyldar aralyǵynda QazUÝ-da ýrdý jáne hındı tilderiniń oqytýshysy boldy. "Qazaq ádebıeti" gazeti, "Habar" agenttiginde jumys istedi.  Sonymen qatar, Almaty qalasy ákiminiń orynbasary jáne Qazaqstan respýblıkasynyń Iran ıslam respýblıkasyndaǵy elshiliginiń keńesshi-ýákili qyzmetin atqardy.

2010 jylǵy sáýir aıynan beri "Azat Eýropa/Azattyq radıosy" korporasıasynyń qazaq qyzmetinde onlaın-prodúser.