Birneshe lombardtqa shabýyl jasady degen kúdikpen ustalǵan 20 jastaǵy eki jigittiń biri almatylyq turǵyn bolsa, biri Almaty oblysynyń Qarasaı aımaǵynan, - dep jazady Qamshy.kz aqparat agenttigi.
Urlyqtyń anyq-qanyǵy týraly Almaty İİM krımınaldy polısıa basshylyǵynda podpolkovnık qyzmetin atqarýshy Janbolat Zıadın aıtyp berdi:
«Júrgizilgen shuǵyl jumystar barysynda kórsetilgendeı, atalmysh kúdiktiler Abaı men Altynsarın kósheleri qıylysynda ornalasqan lombardtardy tonaýǵa qatysy bar. Olar pyshaq jáne pnevmatıkalyq qarýmen kasırdiń záresin alyp, 8 uıaly telefon, aıpad, 71 myń teńgeni jymqyrǵan. Olar urlanǵan zattardy qoldanyp úlgere almady, sebebi tez arada polısıa qyzmetkerleri olardyń izin sýytpaı, taýyp aldy. Zattaı aıǵaqtar Túrksib aımaǵyndaǵy úılerdiń birinen tabyldy. Olar qolaıly ýaqyt týǵansha, zattardy jerge kóme turýdy sheshken»,- dedi.
Dál qazirgi ýaqytta, ustalǵandar kúzetke alyndy. Budan birneshe saǵat buryn olar Almatydaǵy Áýezov aımaǵynda dál osyndaı qylmys jasaǵan.
