Sınoptıkter Qazaqstanda 14 qarashaǵa arnalǵan  aýa raıy boljamyn jarıa etti, dep habaraıdy Qamshy.kz aqparat agenttigi.

«Qazgıdromet» RMK-nyń habarlaýynsha, antısıklonnyń yqpal etýine baılanysty Qazaqstanyń basym bóliginde kún ashyq bolady. Tek eldiń soltústik batysy men soltústiginde jáne ońtústiginiń keı jerlerinde jańbyr nemese qar jaýýy yqtımal.

Keı jerlerde jel kúsheıip, tuman túsip, kóktaıǵaq bolady.

Shyǵys Qazaqstan, Ońtústik Qazaqstan oblystarynyń birqatar aımaqtarynda tuman túsip, jeldiń jyldamdyǵy sekýndyna 15-20 metrge jetedi.

Jambyl oblysynda túnde keı jerlerde tuman túsip, kúndiz jeldiń jyldamdyǵy sekýndyna 15-20 metr bolady.

Almaty oblysyndaǵy Jalańashkól aýmaǵynda jel sekýndyna 15-20 metr jyldamdyqpen uıtqıdy.

Soltústik Qazaqstan, Pavlodar oblystarynyń birqatar aımaqtarynda tuman túsip, kóktaıǵaq bolady.

Batys Qazaqstan, Atyraý, Mańǵystaý, Aqtóbe, Qyzylorda, Qostanaı, Aqmola, Qaraǵandy oblystarynda tuman túsedi dep kútilýde.