Chelábınskide ótken Reseı men Qazaqstan óńiraralyq yntymaqtastyǵynyń HIV forýmynda «Roskosmos» Memlekettik korporasıasynyń ǵarysh qyzmeti jónindegi Bas dırektordyń Birinshi orynbasary Aleksandr Ivanov pen QR Aýyl sharýashylyǵy Birinshi vıse-mınıstri Qaırat Aıtýǵanov 1994 jylǵy 10 jeltoqsandaǵy Qazaqstan Respýblıkasy Úkimeti men Reseı Federasıasy Úkimeti arasyndaǵy «Baıqońyr» ǵarysh aılaǵyn jalǵa berý kelisimine ózgeris engizý týraly hattamaǵa qol qoıdy. Bul jaıynda Qamshy.kz aqparat agenttigi Qazaqstan Respýblıkasynyń Qorǵanys jáne aeroǵarysh ónerkásibi mınıstrliginiń baspasóz qyzmetine silteme jasap habarlaıdy.
Qujatqa sáıkes Aqaı jáne Tóretim kentteriniń mańyndaǵy 11,6 myń gektar jer Reseı tarapynan jalǵa alýdan shyǵaryldy jáne ol jerde áleýmettik-ekonomıkalyq ınfraqurylymdy odan ári damytý úshin Qyzylorda oblysyna berildi.
Sondaı-aq, RF Densaýlyq saqtaý mıınstri Veronıka Skvorsova men QR Densaýlyq saqtaý mınıstri Eljan Birtanov 2009 jylǵy 17 qarashadaǵy Qazaqstan Respýblıkasy Úkimeti men Reseı Federasıasy Úkimeti arasyndaǵy «Baıqońyr» ǵarysh aılaǵyn Reseı Federasıasy jalǵa alý jaǵdaıynda «Baıqońyr» ǵarysh aılaǵy qyzmetkerlerine, Baıqońyr qalasynyń jáne Tóretam, Aqaı aýyldarynyń turǵyndaryna, medısınalyq qyzmet kórsetý» kelisimine ózgeris engizý týraly hattamaǵa qol qoıdy.
Hattamada «Baıqońyr» kesheninde, Aqaı jáne Tóretam kentterinde turatyn jáne jumys isteıtin qazaqstandyqtarǵa medısınalyq qyzmet kórsetý júıesin jetildirý kózdeledi.
Qol qoıylǵan qujattar «Baıqońyr» ǵarysh aılaǵy týraly burynnan bar eki jaqty normatıvtik-quqyqtyq bazany tolyqtyrady ári Qazaqstan men Reseı yntymaqtastyǵyn damytýda mańyzdy element bolyp tabylady.
