«Rýhanı jańǵyrý» baǵdarlamasyn iske asyrý maqsatynda Kókpekti aýdanynda «Týǵan jer» baǵdarlamasy aıasynda jalpy quny 42 mln teńgege 7 joba iske asqan.

Qazirde segizinshi joba boıynsha jyl sońyna deıin Aq oı aýylynda jańa emhana óz jumysyn bastamaq. Bul jaıly Shyǵys Qazaqstan Aımaqtyq komýnıkasıalar qyzmetinde ótken baspasóz máslıhaty barysynda Kókpekti aýdanynyń ákimi Ramıl Sagandyqov málimedi.

– Qazirde Shuǵylbaı aýylynyń joly jóndeýden ótip, Tassaı aýylynda jańa oıyn alańy salynyp, M. Áýezov atyndaǵy mektep sport jabdyqtarymen qamtylmaq. Sondaı-aq, Órnek aýylynda jańa balabaqsha salyndy. Barlyq atqarylǵan joba kásipkerlerdiń qarajatyna iske asýda, – dedi aýdan ákimi Ramıl Sagandyqov.

Esterińizge sala ketsek, qazan aıynda Óskemen qalasynda ótken «Týǵan jer» forýmy aıasynda aýdan kásipkerleri aýdanǵa 47,6 mln teńge kóleminde qarajat tabys etýge ázir ekendikterin jetkizgen. Atalmysh qarajatqa «Meniń mektebim» aksıasy boıynsha aýdanda 7 robototehnıka synybyn ashý josparlanǵan.