2017 jyldyń 22 qarashasy kúni 10.00-de QR Ulttyq kitaphanasynda Almaty qalasy Din isteri jónindegi basqarmanyń qoldaýymen «Adyrna» ulttyq-etnografıalyq birlestigi Elbasynyń «Bolashaqqa bańdar: Rýhanı jańǵyrý» baǵdarlamasynyń aıasynda, «Alash Orda» úkimetiniń qurylǵanyna 100 jyl tolýyna oraı «Alash Orda: ulttyq ıdeıa jáne din máseleleri» atty Respýblıkalyq ǵylymı-tájirıbelik konferensıa uıymdastyrady.

Konferensıanyń maqsaty – Shoqan Ýálıhanov, Abaı, Shákárim, Máshhúr-Júsip Kópeev bastap Álıhan, Mirjaqyp, Ahmet tárizdi Alash qaıratkerleriniń ulttyq ıdeıa jáne din máseleleri jaıyndaǵy oı-tolǵamdaryn ortaǵa salý, ǵalymdardyń qatysýymen talqylaý. Alashtyqtar ulttyq ıdeıa, ulttyq qundylyqtar arqyly qazaqty oıatyp, ulttyq memleket qurý máselesin qoıdy, álemdik órkenıetke kirigýdiń joldary men sharttaryn qarastyrdy. Olar jastardyń tarıhy men tamyryn tereń bilip, sapaly bilim alyp, kásip ıgerip, baı-baqýatty bolýyn ańsady. Sol ózekti máseleler arada bir ǵasyr ýaqyt ótse de sol qalpynda mańyzdy bolyp qalyp otyr.

Konferensıanyń negizgi máseleleri men baǵyttary:

- Alash ıdeıasynyń máni jáne qalyptasý kezeńi; 
- Alashordalyqtardyń ulttyq ıdeıa jáne din máselesindegi ustanymdary; 
- Alash ıdeıalarynyń búgingi kúnmen tarıhı sabaqtastyǵy.
Konferensıaǵa Hangeldi Ábjanov, Talas Omarbekov, Svetlana Smaǵulova, Bolatbek Násenov, Erkin Ermuhanov jáne t.b. belgili tarıhshylar qatysady.

«Alash Orda» úkimetiniń qurylǵanyna 100 jyl tolýyna oraı
«Azat rýhtyń aldaspandary» atty dástúrli mýzykalyq konserti ótedi.

2017 jyldyń 22 qarashasy kúni «Alataý» dástúrli óner teatrynda Almaty qalasy Din isteri jónindegi basqarmanyń qoldaýymen «Adyrna» ulttyq-etnografıalyq birlestigi Elbasynyń «Bolashaqqa baǵdar: Rýhanı jańǵyrý» baǵdarlamasynyń aıasynda «Alash Orda» úkimetiniń qurylǵanyna 100 jyl tolýyna oraı «Azat rýhtyń aldaspandary» atty dástúrli mýzykalyq konsert uıymdastyrady.

Dástúrli mýzykalyq konserttiń maqsaty – azattyq jolynda qurban bolǵan, atylǵan, abaqtyǵa jabylǵan, jer aıdalǵan kompozıtorlardyń taǵdyrly shyǵarmalary men táýelsizdik, ult taǵdyry týrasyndaǵy halyqtyq án-kúılerdi el nazaryna usyný. Sonymen qatar ataýy sharada jas tolqynǵa óz tarıhyn tanytyp, otansúıgishtik qasıetterdi sińirý isi basty maqsattyń biri bolmaq.

Konsertke Jolaman Qujımanov, Ramazan Stamǵazıev, Erlan Tóleýtaı, Erkin Shúkimanov, Ardaq Isataeva, Talǵat Muqyshev, Amangeldi Kúzeýbaı jáne taǵy basqa belgili óner ıeleri qatysady dep kútilýde.

Qosymsha aqparat: Ataýly konsert aıasynda «Alataý» dástúrli óner teatrynda «Alash Ordanyń» 100 jyldyǵyna arnalǵan qolóner kórmesi uıymdastyrylady.  

Baılanys: +77022702102, +77072702102
Elektrondy meken-jaı: adyrna@bk.ru