SHQO-da Qazaqstan halyqtary Assambleıasynyń múshelerine aımaqtaǵy birlik pen kelisimdi nyǵaıtýǵa qosqan úlesi úshin «Dostyq úıine 25 jyl» mereıtoılyq medaldary tabystaldy, -dep Qamshy.kz aqparat agenttigi jazady.

Saltanatty is-shara barysynda Shyǵys Qazaqstan oblysy ákiminiń orynbasary Ásem Núsipova «Dostyq úıiniń» 25 jylda birlik pen kelisim úıine aınalǵanyn atap aıtty.

- Týra 25 jyl buryn Óskemende elimizdegi alǵashqy Dostyq úıi ashyldy. Osy jyldar boıy sizder birlik, beıbitshilik jáne jasampazdyq jolynda eńbek ettińizder. Búginde Sizder elimizdiń Prezıdentiniń «Rýhanı jańǵyrý» baǵdarlamasyndaǵy jobalardy júzege asyrýǵa belsendi qatysyp jatyrsyzdar. Sizder oblystaǵy jas belsendilerge úlgi bolyp tabylasyzdar. Sizderge atqarǵan jumystaryńyz úshin shyn júrekten alǵys aıtamyn, - dedi Ásem Núsipova.

Oblystyq QHA, etnomádenıe birlestikterdiń múshelerine gramotalar men «Dostyq úıine 25 jyl» mereıtoılyq medaldary, sondaı-aq, estelik syılyqtar tabystaldy.

Esterińizge sala ketsek, jýyqta saltanatty mereıtoılyq is-shara barysynda SHQO ákimi Danıal Ahmetov Dostyq úıine Metalýrgter Mádenıet úıiniń tarıhı ǵımaratyn berý týraly málimdegen bolatyn.