Qytaılyq Weibo áleýmettik jelisiniń qoldanýshylary jappaı avtokólik apaty bolǵan jerde  Anhoı provınsıasyndaǵy Fýıan radıostansıasynyń tilshisi jasaǵan selfıdi qatań synnyń astyna aldy. Bul týraly keshe Shanghaiist habarlady dep jazady Qamshy.kz aqparat agenttigi.

Weibo qoldanýshylaryna avtokólikter soqtyǵysqan jerdegi tilshiniń qolyna presanyń beıdjıgin jáne tynyshtyq belgisin jasap turyp, kúlgen sýreti unaǵan joq. Olar:

«Sen óziń kásibı etıka degenniń ne ekendigin bilesiń be? Bul jer ne sen úshin kúlkili me?» -dep kijinip jatyr.

Osyndaı ashýly pikirlerden keıin qyzdy radıostansıadaǵy jumystan shyǵaryp jiberdi. Keter aldynda qyz keshirim ótingen kishigirim vıdeojazba qaldyryp ketti.

«Sen shyn kóńilmen aıtyp turǵan joqsyń. Saǵan múldem senbeımiz. Bul jaǵdaıǵa seniń óziń ǵana kinálisiń»,- dep renjýli jeli qoldanýshylary oǵan jaýap jazdy.

Avtokólik apaty 15 qarashada anhoılyq trassada oryn alǵan. Jappaı kólik soqtyǵysy saldarynan birneshe kólik otqa oranǵan. Oǵan órt sóndirýshiler 3 saǵattan astam ýaqyt jumsady. Nátıjesinde apattan ondaǵan adam zardap shekti. Jol apaty qalyń tuman saldarynan bolǵan.