Óskemende memlekettik-jeke menshik seriktestik aıasynda alǵashqy balabaqshanyń qurylysy bastaý aldy. Mektepke deıingi bul mekeme 250 orynǵa shamalanǵan, — dep habarlaıdy Qamshy.kz aqparat agenttigi.

SHQO kásipkerleri qyzmet salasyn ózgertti. Olar endi óz qarajatyna komersıalyq qana emes, áleýmettik mańyzdaǵy nysandardy salady. Osy jyldyń ózinde kásipkerler Óskemen jáne Semeı qalalarynda 4 balabaqshanyń qurylysy bastalmaq. Aımaq basshysy Danıal Ahmetovtyń paıymdaýynsha,  bul úlgide «bıznes qosymsha kiristiń múmkinidigin sezinedi».

-  «VKgroup» kompanıasy quny 733 mıllıon teńge bolatyn 250 oryndy balabaqshanyń qurylysyn bastap qoıdy. Ol bizdiń «Damý» qorymen birlsken jobamyz boıynsha qarjylandyrylady. Bul jerde, meniń oıymsha, eki mańyzdy komponent bar. Birinshisi – bıznes áleýmettik salaǵa aýysady. Ekinshisi – óziniń resýrstaryn sala bastaıdy. Memlekettik-jeke menshik jobalarynyń tıimdiligi aıqyndalady, - deıdi Danıal Ahmetov.

Osylaısha, SHQO atqarýshy bıligi búdjetten tys qarajatty belsendi tartý fazasyna enip otyr. Máselen, búgingi tańda Eýrazıalyq qaıta qalpyna keltirý jáne damytý bankimen 40 mlrd. teńgege kelisim-shart jasaldy. Óskemendegi 300 oryndy aýrýhananyń qurylysy boıynsha joba da júzege asyrylýda. Memlekettik-jekemenshik jobalary boıynsha salynǵan mektepke deıingi mekemeler 100 paıyz memlekettik tapsyryspen qamtamasyz etiledi