Forýmnyń plenarly otyrysynda aımaq basshysy SHQO-nyń Reseı Federasıasynyń aımaqtarymen belsendi seriktestigine tyǵyz, tatý kórshilik qatynastar men shekaralyq yntymaqtastyǵy jaǵdaı jasaıtynyn atap aıtty. Oblystyń Reseımen syrtqy taýarlyq aınalymy aǵymdaǵy jyldyń bas kezinen beri 108%-ǵa kóbeıdi (656 mln AQSH dollary), reseılik kapıtaldyń qatysýymen 586 kásiporyn tabysty jumys istep tur, — dep jazady Qamshy.kz aqparat agenttigi altaynews.kz saıtyna silteme jasaı otyryp.
Rýhanı saladaǵy ıdeologıalyq tuǵyrnama Qazaqstan Prezıdenti Nursultan Nazarbaevtyń «Rýhanı jańǵyrý» baǵdarlamasy bolyp tabylady. Bul baǵdarlama tolyqtaı qoǵamnyń oı-sanasyn ózgertýge, ulttyq jáne mádenı-genetıkalyq kodty saqtaýǵa, qazaqstandyq qoǵam men ár qazaqstandyqty damytýǵa baǵdarlanǵan.
Shyǵys Qazaqstanda tek qazaqstandyqtar úshin emes, Reseı turǵyndaryna da qyzyqty bolatyn kıeli oryndardyń tizimdemesi jasaldy. Al «Ádebı beldeý» jobasy Shyǵys Qazaqstannyń mádenı murasynyń alýan túrliligin kórsetýge múmkindik beredi.
Adamı kapıtaldy damytýǵa turarlyq úlgi retinde «Týǵan jer» jobasynyń aıasyndaǵy «Meniń mektebim» aksıasyn aıtýǵa bolady. Oblys kásipkerleri jalpyǵa ortaq bilim berýshi mektepterdiń kabınetterin Nazarbaev zıatkerlik mektebiniń standarty boıynsha jabdyqtaýǵa 2,3 mlrd teńge qarajat salyp otyr.
Aımaq basshysy Danıal Ahmetovtyń aıtýynsha, oblysta úsh tildi bilim berý baǵdarlamasy eki jyldaı ýaqyt jumys istep keledi. Onyń negizinde Kembrıdjdik oqytý ádisi jatyr. 2016 jyldan bastap medısınalyq kadrlardy oqytýdyń úsh jyldyq keshendi baǵdarlamasy men medısınalyq mekemelerdi zamanaýı quraldarmen jabdyqtaý júzege asyrylady.
Bul kezdesýdiń basty taqyryby — «EAEO biryńǵaı sandyq keńistigin qurý úshin sandyq ekonomıka salasyndaǵy seriktestikti jandandyrýǵa» qatysty Danıal Ahmetov zamanıýı ınovasıalardy ómir súrý sapasyn jaqsartýda qoldanýǵa qatysty mysal keltirdi. Jaqyn bolashaqta ár shyǵys qazaqstandyq elektrondy densaýlyq pasportyna ıe bolmaq. Bul ár naýqastyń EAEO-na qatysýshy elderdegi kez kelgen medısınalyq mekemede medsınalyq kómek alýyna múmkindik beredi.
— Jyldan jylǵa Reseı-Qazaqstan ekonomıkalyq, gýmanıtarlyq baılanysy nyǵaıyp, keńeıe túsýde jáne joǵary nátıje kórsetýde. Bul adamı kapıtaldy damytý máselesine erekshe nazar aýdarýǵa múmkindik beredi. Al ol ınovasıanyń basty qozǵaýshy kúshi bolyp tabylady, turaqty ekonomıkalyq ósýge senimdi negiz bolady. Shyǵys Qazaqstan oblysy konstrýktıvti suhbat qurýǵa jáne barlyq vektorlyq ıntegrasıa boıynsha ózara tıimdi seriktestikke árqashan daıyn, — dedi SHQO ákimi Danıal Ahmetov..
