Túrik basshysy jaqynda ǵana DAISH-tyń astanasy sanalyp ketken «Rakkadan jaýyngerlerdiń qashyp shyǵýyna jaǵdaı jasaǵan amerıkalyq bılik» dep málimdedi.

Rejep Erdoǵan bul málimdemeni jýrnalıserdiń aldynda aıtyp, Sırıadaǵy daǵdarysty retteý úshin AQSH-pen birigip jumys istegisi kelmeıtinin aıtty, dep Qamshy.kz aqparat agenttigi Life.ru-ǵa silteme berip jazady.

«AQSH bizdiń kóńilimizdi qaldyrdy. DAISH-pen soǵysyp jatyrmyz dep alyp, olarǵa qyrýar dollar berdi»,-dedi ol ashý ústinde.

Erdoǵan bul málimdemeni bolashaqta AQSH-pen birlese Sırıaǵa qarsy áreket jasaý taqyrybynda sóılesken kezde aıtty. Rejep Erdoǵan Ankaranyń endigi kezekte Vashıngton málimdemelerine senbeıtindigin bildirdi. Bul senim AQSH tarapynan berilgen sansyz ýádelerdiń oryndalmaýynan buzyldy,-dep jazdy Sabah gazeti.

«Rakkadaǵy Manbıdjde AQSH-qa birge jumys jasaıyq, dep usynǵanda, olar alańdamańyz onda PYD kúrtterdiń «Demokratıalyq odaǵynyń» bir de bir múshesi qalmaıdy degen bolatyn. Biraq sózinde turǵan joq. AQSH-ta basshylyq aýysqanmen, bári de baıaǵysynsha qaldy»,- dedi Rejep Erdoǵan.

Túrkıada PYD kúrtteri DAISH-pen bir sanattaǵy terrorlyq top bolyp sanalady. Sondyqtan, Amerıka Qurama Shtattarynyń PYD-ge qoldaý kórsetýi túrik basshysynyń ashýyn qozdyrdy. Erdoǵan atap ótkendeı, AQSH sırıalyq kúrtterge úsh myńǵa jýyq júk kólikteri, bronetehnıka jáne iri kólemdegi qarý-jaraq jibergen.