Tursynǵalı Alagózov zańsyzdyq pen jalǵan qujat jasaǵany úshin kúdikti dep tanyldy. Bul týraly Qamshy.kz aqparat agenttigi Today.kz saıtyna silteme jasaı otyryp habarlaıdy. 

Alaıda Tursenǵalı Alagózov buny joqqa shyǵaryp otyr. Tursynǵalı Alagózov zańdy buzyp óz betimen jalǵan qujat jasaǵany úshin kúdikti dep tanylǵan. QR UQK Alagózovtiń atynda 2 jeke kýálik pen 2 shetelge shyǵýǵa arnalǵan tólqujat bar ekenin anyqtaǵan.

Atalǵan qujattar Qazaqstanda jasalǵan, alaıda qujat Tursynǵalı Alagózovtiń esimimen jasalmaǵany anyqtaldy. Jalǵan qujatta Tursynǵalı Alagózovtiń aty-jóni Dáýen Djangýtın dep berilgen. Bul qujat boıynsha Tursynǵalı Alagózov 1970 jyly 37 qazanda Pavlodar oblysynda dúnıege kelgen.

Tursynǵalı Alagózov óz kezeginde bóten adamnyń esimimen jasalǵan qujatqa eshqandaı qatysy joq ekenin aıtty.

Atalǵan aqparatty buryn Alagózovtiń ıeliginde bolǵan  AO Galanz bottlers kompanıasynyń qyzmetkerleri habarlaǵan. Jalǵan qujat týraly Alagózovtiń kompanıasynyń  qyzmetkeri qupıa esimmen aıtqany belgili boldy.

Jalǵan qujat boıynsha tekserý jumystary 15 tamyzda bastalǵan. Tekserý kezinde jalǵan qujattyń túpnusqasyna qatysty azamat tabyldy. Alaıda Dáýren Djangýtın esimdi azamattyń  jeke kýáligi bar ekeni anyqtaldy. Qazirgi kezde arnaıy mamandar qoltańba boıynsha jalǵan qujattyń naqty kimge tıesili ekeni anyqtap jatyr.

Al zańsyzdyq boıynsha tekserý jumystary 19 qazanda bastalypty. Sol kúni Tursynǵalı Alagózov birneshe jigittermen Galanz bottlers zaýytyna basa kóktep kirgen. Tártipsizdiktiń 4 saǵatqa sozylǵany belgili boldy. Keıin polısıa qyzmetkerleri aralasyp, tártipsizdikti toqtatqan.

Bıznesmenniń burynǵy jumys ornyna ne úshin basa kóktep kirip, tártipsizdik jasaǵany sol kúıi belgisiz bolyp qala berdi. Alaıda burynǵy qyzmettesteri Tursynǵalı Alagózovtiń jasaǵan zańsyz áreketi úshin jazalanǵanyn qalaıdy.