Prezıdenttiń 2017 jylǵy joldaýynda "Jyl sońyna deıin Jer qoınaýy týraly jańa kodeksti qabyldap, salyq zańnamalaryna qajetti ózgerister engizýdi tapsyramyn", - degen naqty tapsyrma kórsetilgen. "Jerdi paıdalaný tıimdiligin arttyrýǵa tıispiz", - degen edi prezıdent.

Jer qatynas máseleleri  boıynsha Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departament janyndaǵy Vedomstvoaralyq jumys tobynyń kezekti otyrysy ótkizildi dep habarlaıdy Qamshy.kz aqparat agenttigi.

2017 jyldyń 16 qarashasynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamentmen  Vedomstvoaralyq jumys tobynyń kezekti otyrysynda  jer qatynastary salasynda memlekettik kórsetiletin qyzmetter  men 2017 jyldyń 10 aıy boıynsha usynystarynyń oryndalýy qarastyryldy. 

Joǵaryda atalǵan suraqtar boıynsha baıandaýshylar: Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti basshysynyń orynbasary Shynaraı Álimhan Álimhanqyzy, Almaty qalasy jer qatnastary basqarmasynyń basshysy  Altynbek Ahmetov Janatovıch jáne Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń Memlekettik qyzmetter basqarmasynyń basshysy Serik Primbetov Jetpisbaıuly.

Jınalys barysynda jer qatynastary salasyndaǵy memlekettik kórsetiletin qyzmetter  boıynsha birqatar máseleler talqylandy: turǵyndardy memlekettik kórsetiletin qyzmetter týraly aqparattandyrý jumystarynyń deńgeıi, memlekettik kórsetiletin qyzmetterdiń merzimderin saqtaý, múmkindigi shektiýli azamattarǵa  memlekettik qyzmetti kórsetý kezdinde jasalǵan jaǵdaılar memlekettik kórsetiletin qyzmetti kórsetýden bas tartý jaǵdaılary, aryz ben ótinishterdiń bolýy, zańnamalardyń qaramaqaıshylyǵy, jer komısıasy jumysy jáne jer qatynastary salasyndaǵy basqa da suraqtar.

Otyrys sońynda Departamentpen jáne Vedomstvoaralyq jumys tobynyń músherelimen memlekettik mekemelerge birqatar usynystar engizildi:

Memlekettik qyzmetterdi negizsiz bas tartýdy joıý, turǵyndarǵa qyzmet kórsetýdiń sapasyn arttyrý, memlekettik qyzmetterdi negizsiz bas tartýdy joıý boıynsha is – áreketter qabyldaý, Standarttar men Reglamentterdi qoldanystaǵy zańnamalarǵa sáıkestendirý jáne bekitý, turaqty túrde qoldanystaǵy zańnamalarǵa túsindirme jumystaryn júrgizý, memlekettik qyzmetterdiń kórsetý tártibi, elektrondy kórsetiletin memlekettik qyzmetterdiń úlesin arttyrý jáne t.b.