2015 jyly 9-shy aıy jetken júkti qurbysynyń ishin kesip alǵan amerıkandyq áıelge 40 jylǵa bas bostandyǵynan aıyrý týraly sot úkimi shyqty, dep Qamshy.kz aqparat agenttigi New York Post-qa súıene otyryp jazady.

Sot 24 jastaǵy Nú-Iork turǵyny Eshlı Ýeıdti qatygez ólimge kináli dep tanyldy. Nátıjesinde Eshlı 40 jyl bas bostandyǵynan aıyryldy. Sotta ol óziniń aıýandyq áreketi úshin keshirim suraǵanmen, bul áreketti ne úshin jasaǵandyǵy týraly naqty túsindire almady.

Eske sala keteıik, qaıǵyly oqıǵa 2015 jyly qarashada Nú-Iorktegi Bronsk degen jerde bolǵan edi. Ózin júktimin degen qylmysker qurbysy Anjelıka Sattondy úıine qonaqqa shaqyrǵan. 9 aılyq júktilik kezeńindegi áıel dál osy kúni turmysqa shyqpaq bolǵan. Alaıda Anjelıka tabaldyryqty attaı salysymen, Eshlı oǵan tap bergen. Qylmysker áıel qurbysyna 50 ret pyshaq suǵyp, ol aıǵaı salmasy úshin onyń dybys shyǵaratyn múshesin jáne qan tamyrlaryn da aýyr jaraqattaǵan. Júkti áıel typyrshýyn toqtatqanda, qylmysker onyń ishindegi uryqty ishki organymen qosa julyp alǵan.

Tergeý amaldary nátıjesinde, Ýeıdtiń qylmysty aldyn ala josparlaǵany aıan boldy. Ol úshin ol júktimin dep ótirik aıtyp, bolashaq balaǵa kerektiniń barlyǵyn satyp alyp qoıǵan.

Anasynyń qursaǵynan qatygezdikpen kesip alynǵan sábı qyz tiri qaldy. Qazirgi kezde ol ákesimen birge turady.