Óskemen qalasynda jyl sanap jylý tapshylyǵy sezilip keledi. Bul týraly 24.kz jazady. Qazirdiń ózinde saǵatyna 250 Gıgakalorıaǵa jetken. Qalada sońǵy 10 jylda óndiris pen turǵyn-úı qurylysy qarqyndy júrgendikten ótken ǵasyrdyń ortasynda salynǵan jylytý ortalyqtarynyń qýaty tolyq jetpeı jatyr. Sondyqtan osy salanyń mamandary shaharǵa taǵy bir jylytý ortalyǵyn salý máselesin úzdiksiz kóterip keledi.  Áleýmettik-mańyzy bar strategıalyq nysan qashan salynady? Óskemen qalasynda qazir eki jylylytý ortalyǵy bar.

Ekeýi de ótken ǵasyrda sol kezeńdegi halyq sany men óndiristik qýtaqa eseptelip salynǵan.  Al búginde qala turǵyndarynyń sany 300 myńnan asady. Jyl saıyn kem degende 5-6 áleýmettik nysan paıdaǵa beriledi. Óndiris óristegen  saıyn, jylýǵa da tapshylyq baıqalady. Sondyqtan  Óskemen jylý elektr ortalyǵy» qosymsha  nómiri 16-shy qazandyqty salýdy 2016-jyly josparlaǵan. Oǵan  shamamen 30  mıllıard teńge qajet. 

 Jylýǵa degen tapshylyqty  joıý úshin  taǵy bir ortalyq kerek ekenin  energetıkter  sońǵy 5 jylda úzdiksiz aıtyp keledi. 2014-jyly tehnıkalyq negizdemesi de daıyn bolǵan. Biraq strategıalyq nysandy salýǵa ázirshe qarjy joq.

Aldyn ala jasalǵan tehnıkalyq negizdeme boıynsha jańa ortalyq salynsa, saǵatyna bir myń GKalorıa jylý, 400 Megavvat elektr óndiredi.  Biraq  strategıalyq mańyzdy nysanǵa qansha qarjy qajet ekeni jáne qurylysy qashan bastalatyny ázirshe belgisiz.