Almaty oblysynyń polısıa ókilderi jergilikti turǵyndy qylmysqa qatysty kúdikti retinde qamaýǵa aldy dep habarlaıdy Zakon.kz .

18 qarashada İle aýdanynyń AİİB-ǵa Ótegen batyr aýylynyń kósheleriniń birinde belgisiz er adamnyń máıiti tabylǵany týraly habar túsken.  Máıit denesinde zorlyq belgileri bolǵan.  Oqıǵa ornyna kelip jetken polısıa marqumnyń 24 jastaǵy jergilikti turǵyn ekenin anyqtaǵan.

İle aýdanynyń polısıa ókilderi qylmysqa qatysy bar kúdiktini ustaǵan.

«Kúdikti qaza tapqan er adammen burynnan tanys bolǵany anyqtalǵan. İshimdik ishken ekeýi sóz talastyryp, aralarynda janjal ornaǵan. Nátıjesinde janjal tóbeleske ulasyp, kisi ólimi oryn alǵan»-dep jazady Almaty oblysynyń İİB baspasóz-hatshylyǵy.

Tergeý kezinde qylmyskerdiń soqqyny turmystyq pyshaqpen jasaǵandyǵy anyqtalǵan. Qazirgi ýaqytta oqıǵaǵa qatysty zertteý júrgizilýde.