BUU Bas hatshysy Antonıý Gýterrısh Lıvıadaǵy mıgranttardy satý jónindegi habarlamaǵa baılanysty narazylyǵyn bildirdi,- dep Qamshy.kz aqparat agenttigi QazAqparatqa silteme berip jazady.
Ol zańsyz mıgranttardy qul retinde satyp jatqan aýksıonnyń vıdeosyn kórgen.
«Bizdiń álemimizde quldyqqa oryn joq. Adam quqyǵyn buzatyn mundaı jan tózgisiz áreketter adamgershilikke qarsy qylmys retinde baǵalanýy múmkin», — dedi BUU Bas hatshysy uıymnyń Nú-Iorktegi shtab-páterinde jýrnalıserge bergen suhbatynda.
Ol memleketti BUU-nyń transulttyq uıymdasqan qylmysqa qarsy konvensıalaryn umytpaýǵa jáne onyń barlyq talaptaryn buljytpaı oryndaýǵa, sondaı-aq qazirgi zamanǵy quldyq túrlerimen kúreste birigýge shaqyrdy.
Buǵan deıin amerıkalyq CNN arnasy Lıvıa bazarynda Eýropaǵa ótýge áreket jasaǵan zańsyz kelimsekterdiń qul retinde satylyp jatqan vıdeosyn jarıalaǵan bolatyn. Olardyń bireýi shamamen 400 dollarǵa aýyl sharýashylyqtarynda jumys istetý maqsatynda satylǵan.
