Keshe Tarazda joǵalǵan balanyń ólimine qatysty derekter belgili boldy, dep habarlaıdy Qamshy.kz aqparat agenttigi QazAqparatqa silteme jasaı otyryp.

Eske sala ketsek, 18 qarashada Taraz mańyndaǵy Saharnyı aýylynda №6 mekteptiń 4-synyp oqýshysy Nıkolaı Nıkıtúktiń joǵalǵany týraly aqparat taraǵan bolatyn. Ol dostarymen birge stadıonnan shyqqan, biraq úıine barmaǵan.

Ata-anasy keshkisin polısıaǵa júginip, barlyq jergilikti aqparat arnalary men áleýmettik jeliler arqyly habarlama taratqan. Balany izdeýge Taraz qalasy İİD jáne PB-2 jeke quramy túgel jumyldyrylǵan. Jaýǵan qar izderdi jaýyp, izdestirýdi qıyndatyp jiberdi. Kelesi kúni polıseıler stadıonǵa jaqyn jerdegi salynyp jatqan balabaqshanyń mańyndaǵy butalardyń arasynan balanyń máıitin tapty.

Balanyń moınynda býyndyrýdyń belgileri bolǵan. Tergeý barysynda qaza tapqan balanyń dosy, №6 orta mektepte oqıtyn 14 jastaǵy N.-di anyqtady. Ol polıseılerge sol kúni Nıkıtamen birge jelim ıiskegenin aıtty.

Jambyl oblystyq İİD jasóspirimder isteri bóliminiń aqparatyna sáıkes, tergeý barysynda N. stadıondaǵy Nıkıtany shaqyryp alǵany, sosyn ekeýi ketkeni anyqtaldy. Keıin salynyp jatqan balabaqshanyń aýmaǵyndaǵy vıdeokamera eki balanyń kirgenin, biraq N. jalǵyz shyqqanyn kórsetedi.

«Qasaqana adam óltirý» baby boıynsha qylmystyq is qozǵaldy. N. urlyqqa qatysy bar bolǵany úshin buryn oblystyq İİD JİB-de esepte turǵan. Bala óliminiń sebepterin anyqtaý úshin sot-medısınalyq saraptamasy belgilendi.

Kúdikti ata-anasynyń kepildigine baılanysty jiberildi. №6 orta mektepte túzeý synyptary bar ekeni belgili. Sondaı synyptardyń birinde «psıhıkalyq damý bógelisi» bar N. da oqyǵan.