«Kazakh Invest» Ulttyq kompanıasy» aksıonerlik qoǵamynyń dırektorlar keńesiniń sheshimimen Saparbek Tuıaqbaev «Kazakh Invest» UK» AQ basqarma tóraǵasy qyzmetine taǵaıyndaldy dep habarlaıdy Qamshy.kz aqparat agenttigi primeminister.kz-ke silteme jasaı otyryp.

Saparbek Tuıaqbaev 1979 jyly Ońtústik Qazaqstan oblysynda týǵan. 2001 jyly Taıaý Shyǵys tehnıkalyq ýnıversıtetin (Túrkıa), 2004 jyly Toronto ýnıversıtetin (Kanada) támamdaǵan.

Eńbek jolyn 2005 jyly bastaǵan. 2005-2009 jyldary Memlekettik qyzmet isteri agenttiginde, Qazaqstan Respýblıkasynyń Reseı Federasıasyndaǵy Elshiliginde, Indýstrıa jáne saýda mınıstrliginde, QR Premer-Mınıstri Keńsesinde, QR Prezıdenti Ákimshiliginde qyzmet etken.

2012-2017 jyldary Ońtústik Qazaqstan oblysy ákiminiń orynbasary bolyp istegen, ınvestısıalar, ónerkásip jáne kásipkerlik máselelerine jetekshilik etken.

2016 jylǵy qazan aıynan bastap qazirgi ýaqytqa deıin QR Investısıalar jáne damý mınıstrligi Investısıalar komıteti tóraǵasynyń qyzmetin atqarǵan.

Qazaq, orys, aǵylshyn, túrik jáne fransýz tilderin meńgergen.